Քուվեյթում կայացել է Զարիֆ-Մոգերինի հանդիպումը
ԻԻՀ ԱԳ նախարար Մոհամմեդ Ջավադ Զարիֆն ու ԵՄ արտաքին քաղաքականության պատասխանատու Ֆեդերիկա Մոգերինին երեքշաբթի գիշեր Քուվեյթում Իրաքի վերակառուցման միջազգային համաժողովին առընթեր հանդիպում ու զրույց են ունեցել:
Համաձայն «Թասնիմ» լրատվական գործակալության հաղորդման, Զարիֆն ու Մուգերինին այս հանդիպման ժամանակ մտքերի փոխանակում են կատարեցին ՀԳՀԾ-ի և տարածաշրջանային վերջին զարգացումների շուրջ:
ԻԻՀ ԱԳ նախարարն ավելի վաղ հանդիպում ու զրույց էր ունեցել Քուվեյթի ԱԳ նախարար Շեյխ Սաբահ Խալեդ Ալ-Համդ Ալ-Սաբահի հետ:
Հանդիպման ժամանակ Զարիֆն ու Շեյխ Սաբահ Խալեդ Ալ-Համդ Ալ-Սաբահը քննարկեցին երկկողմ հարաբերությունների ընդլայնումը և տարածաշրջանային ու միջազգային հարցեր:
Իրաքի վերակառուցման միջազգային համաժողովին մասնակցելու և ելույթ ունենալու նպատակով, Զարիֆը երեքշաբթի երեկոյան ժամանել է Քուվեյթ:
Աշխարհի ավելի քան 50 երկրների քաղաքական պաշտոնատարների, առևտրականների ու բանկային ոլորտի ակտիվիստների մասնակցությամբ Քուվեյթում գումարված եռօրյա համաժողովն իր աշխատանքը սկսել է երկուշաբթի օրը:
ԻԻՀ ԱԳ նախարար Զարիֆը Քուվեյթ ժամանելիս լրագրողների հետ զրույցի ժամանակ ընդգծեց. «Առանց տարածաշրջանի երկրների համագործակցության, Միջին Արևելքում անվտանգություն ու անդորր չի ունենալու»:
ԻԻՀ ԱԳ նախարարը նշել է, որ Իրանի համար Իրաքի կայունությունն ու առաջադիմությունը չափազանց կարևոր են: «Իրանը մշտապես կանգնած է եղել Իրաքի ժողովրդի ու կառավարության կողքին». ասել է նա: