Իրանում Շվեդիայի դեսպանը կանչվել է արտգործնախարարություն
ԻԻՀ արտգործնախարարության խոսնակը տեղեկացրել է, որ Իրանում Շվեդիայի դեսպանն արտգործնախարարություն է կանչվել:
ԻՌՆԱ գործակալության հաղորդման համաձայն, Բահրամ Ղասեմին ասել է. «Ի հետևանս անվտանգության գործով դատապարտված Ահմեդ Ռեզա Ջալալիին քաղաքացիություն շնորհելու Շվեդիայի կառավարության անսովոր քայլի, երկուշաբթի օրը, Թեհրանում Շվեդիայի դեսպանն արտգործնախարարություն է կանչվել»:
Ղասեմին նշել է, որ Իրանի կառավարության խիստ բողոքն է փոխանցվել Շվեդիայի դեսպանին՝ Մոսադի համար լրտեսություն կատարելը և իրանցի գիտականների սպանությանը մասնակից լինելը խոստովանած անձին քաղաքացիություն շնորհելու Շվեդիայի կառավարության քայլի կապակցությամբ:
Նշելով, որ ԻԻՀ Սահմանադրության համաձայն, հիշյալ անձի քաղաքացիությունն ընդունելի չէ և նա դեռ ԻԻՀ քաղաքացի է համարվում, Բահրամ Ղասեմին հավաստիացրել է, որ Իրանը Շվեդիայի կառավարության այդ քայլը համարում է անսովոր և ոչ-բարեկամական:
Ահմեդ Ռեզա Ջալալին 2016թ. ապրիլին ձերբակալվել և կալանավորվել է Թեհրանում լրտեսություն իրականանցնելու մեղադրանքով:
