Զարիֆ.«Բրյուսելի նիստը քաղաքական կարևոր ուղերձ էր պարունակում»
Իրանի ԱԳ նախարարն ասել է.«Բրյուսելում Բրիտանիայի , Գերմանիայի ու Ֆրանսիայի ԱԳ նախարարների և Եվրամիության արտաքին քաղաքականության հանձնակատարի մասնակցությամբ կայացած նիստը քաղաքական կարևոր ուղերձ էր պարունակում»: Այս մասին հաղորդել է ԻՌՆԱ լրատվական գործակալությունը:
Մոհամմեդ Ջավադ Զարիֆը չորեքշաբթի օրը նշել է.«Եվրոպացիները պատրաստել են Համատեղ գործողությունների համապարփակ ծրագրի պահպանման համար նախատեսված աշխատանքների ցանկը, որի համաձայն կարելի է որոշում ընդունել, թե ինչ չափով են երաշխավորվելու Իրանի շահերը»:
«Եթե պետք է ՀԳՀԾ-ն շարունակվի, ապա կարելի է ասել, որ բրյուսելյան հանդիպումը դրական քայլ էր և պարունակում էր քաղաքական կարևոր ուղերձ»,ընդգծել է Զարիֆը:
Նշելով ,որ այսօր տեղի է ունեցել եվրոպացիների գագաթնաժողովը, Իրանի ԱԳ նախարարն ընդգծել է.«Առաջիկա շաբաթ Եվրոպայում մեկնարկելու են ՀԳՀԾ-ի փորձագիտական նիստերը»:
Նա հավելել է.«Առաջիկա ուրբաթ օրը կայանալու է ՀԳՀԾ-ի համատեղ հանձնաժողովի նիստը հինգ երկրների (Բրիտանիայի, Ֆրանսիայի , Գերմանիայի , Ռուսաստանի և Չինաստանի) բացառությամբ ԱՄՆ-ի մասնակցությամբ: Այսպիսով համատեղ հանձնաժողովի մեխանիզմը հունի մեջ կմտնի»: