ԻԻՀ առաջնորդը կոչ է արել խթանել «Առաջադիմության իսլամական-իրանական բազային մոդել»-ի կատարելագործումը
Իսլամական հեղափոխության մեծարգո առաջնորդ Այաթոլլահ Խամենեին կոչ է արել խթանել «Առաջադիմության իսլամական-իրանական հիմնական մոդել»-ի կատարելագործումը:
«Առաջադիմության իսլամական-իրանական բազային մոդել»-ի մշակումից հետո, իսլամական հեղափոխության մեծարգո առաջնորդ Այաթոլլահ Խամենեին երկրի բոլոր գիտական կենտրոններին, մարմիններին և էլիտային կոչ է արել ամենայն ուշադրությամբ քննարկել մշակված փաստաթղթի տարբեր կողմերը և խորհրդատվական տեսակետներ հայտնել այդ փաստաթղթի բարեփոխման կամ կատարելագործման համար:
Փաստաթղթում ուրվագծվել են առաջիկա հինգ տասնամյակներում Իրանի զարգացման ու ցանկալի հորիզոնների գաղափարներն ու կարևոր հիմքերը:
«Այաթոլլահ Խամենեին առաջադիմության իսլամական-իրանկան մոդել»-ի կենտրոնին հանձնարարել է խորհրդակցել ծանուցագրում նշված կառույցների հետ, ուշադրությամբ քննարկել վերջիններիս կողմից ներկայացվելիք առաջադրանքներն ու տեսակետները և առավելագույնը մինչև երկու տարի պատրաստել «Առաջադիմության իսլամական-իրանական բազային մոդել»-ի կատարելագործման օրինակը: Այս մոդելի իրագործումը կդառնա հիմք՝ երկրի զարգացման համար:
Իսլամական հեղափոխության մեծարգո առաջնորդը հստակեցրել է.«Աստծո կամքով, առաջադիմության իսլամական-իրանական բազային մոդելի նախագծմանն ուղղված երկրի մի քանի հազար երիտասարդ գիտնականների, համալսարանների դասախոսների ու փորձագետների յոթամյա համակարգված ջանքերն արդյունավորվեցին իսլամական հեղափոխության հաղթանակի 40-րդ տարելիցին»:
ԻԻՀ մեծարգո առաջնորդը նշել է.«Այս փաստաթղթում մշակվել են առաջադիմության գաղափարներն ու հիմքերը և ուրվագծվել են առաջիկա հինգ տասնամյակներում երկրի ցանկալի հորիզոնները և դրանց հասնելու ճանապարհները: Այս դժվարին ու բարդ գործի իրականացմամբ, երկիրն առաջադիմության ու զարգացման ճանապարհով կընթանա և իսլամական-իրանական նոր քաղաքակրթության բարեբաստիկ սկիզբ կդրվի Իրանում»:
