Պաղեստինցի քրիստոնյա քահանա. Սիոնիզմը հուդայականություն չէ
Պաղեստինցի քրիստոնյա քահանան, ընդգծելով, որ սիոնիզմը հուդայականություն չէ, ասել է, որ աստվածային կրոնների հետևորդները մեկ նպատակ ունեն։
Պաղեստինցի քրիստոնյա քահանա, մտավորական Անտոնիուս Հանանիան, ելույթ ունենալով Իրանի հյուսիսարևելյան մասում գտնվող Մաշհադ քաղաքում աշխարհի շիաների 8-րդ առաջնորդ Իմամ Ռեզային նվիրված գիտաժողովում, անդրադառնալով պաղեստինցիների դիմադրությանը ընդդեմ բռնազավթիչ սիոնիստ ռեժիմի, ասել է, որ Պաղեստինի ժողովուրդը մինչև իր վերջին շունչը կդիմադրի Սիոնիստական ռեժիմի հարձակումներին և թույլ չի տա, որ իր երկիրը հայտնվի օտարների ձեռքը։
Նա ասել է. «Մենք ազատություն ենք ուզում մեր երկրում, և Պաղեստինի ազատատենչ ժողովուրդը կպայքարի ոչ միայն Սիոնիստական ռեժիմի, այլև աշխարհի բոլոր իմպերիալիստական երկրների, այդ թվում՝ Ամերիկայի դեմ, և նրանց զավակները կկանգնեցնեն թշնամիների ագրեսիան՝ իրենց կյանքի գնով»:
Շնորհակալություն հայտնելով Իրանի ժողովրդին Պաղեստինի և Գազայի ճնշված ժողովրդին ցուցաբերած աջակցության համար՝ այս քրիստոնյա քահանան շարունակեց. «Մենք բոլորս՝ աստվածային կրոնների հետևորդներս, ունենք մեկ նպատակ, և իսկական հրեաները, ովքեր հավատում են Թորային, նույնպես դատապարտում են Սիոնիստական ռեժիմի գործողությունները»։
Այնուհետև, Եգիպտոսի Ալ-Ազհար համալսարանի հետազոտող, պրոֆեսոր շեյխ Ահմեդ Ալ-Դամնոհին իր ելույթում ասաց, որ սիոնիստները երբեք հրեաների ներկայացուցիչներ չեն, քանի որ հրեաները հարգում են այլ կրոնների հետևորդներին:
Նա մատնանշեց, որ սիոնիստները միայն իրենց են ընդունում և իրենց համար ոչ մի արժեք չունեն այլ կրոնների՝ ոչ իսլամի, ոչ էլ քրիստոնեության հետևորդները, ինչը հակասում է հրեական կրոնի հիմքերին։