Իրանի դեմ պատժամիջոցների կիրառումը՝ Թրամփի արձագանքը Արամքոյի դեպքի ընթացքում սաուդցիների նվաստացմանը
Այն բանից հետո, երբ Սաուդյան Արաբիայի Արամքո ընկերության նավթազտարանները եմենցիների հարձակման թիրախ դարձան, մեղադրանքների սլաքները կրկին ուղղվեցին Իրանի կողմը:
Եմենի կողմից Արամքո ընկերության վրա իրականացված հարձակումից հետո, ԱՄՆ նախագահ Դոնալդ Թրամփը, հովանավորելով սաուդցիներին ու նավթային դոլարների տրամադրման երաշխիք ստանալով, ԱՄՆ-ի գանձապետական դեպարտմենտին հրահանգել է խստացնել Իրանի դեմ պատժամիջոցները:
Չորեքշաբթի օրը, Իրանի ԱԳ նախարար Մոհամմեդ Ջավադ Զարիֆը իր թուիթերյան էջում գրել է.«ԱՄՆ-ի կողմից Իրանի ժողովրդի դեմ տնտեսական պատերազմի խստացումը ցույց է տալիս, որ ԱՄՆ-ն խոստովանում է, որ թիրախ է դարձնում խաղաղ քաղաքացիներին»:
Շաբաթ օրը Սաուդյան Արաբիայի Արամքո ընկերության նավթազտարանը Եմենի ԱԹՍ-երի հարձակման թիրախ դարձավ, ինչի հետևանքով այդ երկրի նավթարդյունաբերության ծավալը կրճատվեց կիսով չափ: Եմենցիների այս քայլը բնական հակազդեցություն էր շուրջ 5 տարի տևած սաուդցիների հարձակումներին ու Եմենի ժողովրդի հատկապես կանանց ու մանուկների սպանությանը: Եմենի այս քայլը մարտահրավեր է՝ ուղղված Սաուդյան Արաբիայի ավտանգությանն ու պաշտպանական կարողությանը:
Միաժամանակ, Սաուդյան Արաբիայի կորսված պատիվն ու Արամքո ընկերության նավթազտարանների պաշտպանության համար արևմտյան համակարգերի անարդյունավետությունն անկարևոր ներկայացնելու համար, Դոնլադ Թրամփը մեղադրանքներ ուղղել Իրանի դեմ:
Մեղադրանքները, նախազգուշացումը և ապա Իրանի դեմ պատժամիջոցների խստացման հրահանգն Արամքո ընկերության թիրախ դառնալու հարցում Թրամփի հակազդեցության առանցքներն են համարվում, որոնցից ամեն մեկին Իրանը կտրուկ է արձագանքել:
Չորեքշաբթի օրը կայացած կառավարության նիստում, Իրանի նախագահ Հասան Ռոհանին, արձագանքելով այդ հարձակման մեջ ԻԻՀ-ին մեղադրելու քայլին, ասել է.«Մեղադրանքներ ներկայացնելու փոխարեն հավատացեք ժողովուրդների ուժին: Այստեղ ոչ թե կառավարությունները, այլ ժողովուրդներներն են ոտքի կանգնել»:
Արամքո ընկերության նավթազտարաների վրա հարձակումից հետո, նշելով որ ԱԹՍ-երի ոլորտում Եմենի կարողությունները բարձրացել են, այդ երկրի զինված ուժերի խոսնակ Յահյա Ալ-Սարիը հայտարարել է.«Արամքո ընկերության նավթազտարանների վրա հարձակումը Եմենի պատասխան քայլն էր ուղղված այս երկրում Սաուդցիների հանցագործություններին»:
Այս պայմաներում, Իրանին մեղադրելը, Պարսից Ծոցում ու Արևմտյան Ասիայում իր նպատակներն առաջ տանելու համար ԱՄՆ-ի մշտական մոտեցումն է: Տարածաշրջանում ներկա ճգնաժամի հիմնական պատճառը ԱՄՆ-ի քաղաքականություններն են:
Եմենի կողմից Արամքո ընկերության վրա իրականացված հարձակումից հետո Թրամփը մեղադրանքներ ներկայացնելուց ու ուշադրությունները շեղելուց բացի, նաև սպառնացել է Իրանին, ինչը կտրուկ արձագանքի է արժանացել Իրանի պաշտպանական ու անվտանգության ոլորտի պատասխանատուների կողմից:
Կառավարության նիստից հետո, լրագրողների հետ հանդիպման ընթացքում, նշելով, որ բոլորը գիտեն որ Իրանը վերահսկում է տարածաշրջանի խաղաղությունն ու անվտանգությունը, ՊՆ բրիգադային գեներալ Ամիր Հաթամին շեշտել է.«Եթե Իրանի դեմ սպառնալիք ուղղվի, Իրանը կտրուկ պատասխան կտա»:
ԱՄՆ-ի կառավարության ներկա մոտեցումը ոչ մի կերպ չի նպաստում Պարսից Ծոցի ու Արևմտյան Ասիայի տարածաշրջանի անվտանգությանը: Տարածաշրջանում ճգնաժամերի արմատը գտնվում է Եմենի պատերազմի շարունակականության ու այս պատերազմում ԱՄՆ-ի կողմից սաուդցիների ցուցաբերվող աջակցության մեջ:
Սաուդյան Արաբիայի ռազմական ու արդյունաբերական կենտրոնների դեմ հարձակումները, Եմենի դեմ պատերազմի շարունակման հետևանքներն են և Եմենի թշնամիներին ուղղված նախազգուշացումներ: Տարածաշրջանում զենքի առաքման դադարեցումը և Եմենի պատերազմի ավարտը խաղաղություն կբերի տարածաշրջանի բնակիչներին, սակայն ԱՄՆ-ի կողմից ցանկացած արկածախնդրություն միայն ու միայն ապակայունացնում է Պարսից Ծոցի տարածաշրջանը: