Մեկնաբանություն. ԵՄ-ի նոր հակաիրանական պատժամիջոցները համահունչ են Վաշինգտոնի ու Թել Ավիվի քաղաքականությանը
Ապրիլի 12-ին, մարդու իրավունքների խախտման պատրվակով, ԵՄ խորհուրդը նոր պատժամիջոցներ է սահմանել Իրանի 8 քաղաքացիների և 3 կառույցների նկատամբ: Նույն պատճառաբանությամբ, խորհուրդը որոշում է կայացրել նաև Իրանի դեմ իր գործողությունների ժամկետը երկարաձգել մինչև 2022 թվականի ապրիլի 13-ը:
ԻՀՊԿ գլխավոր հրամանատար Հոսեյն Սալամին և կորպուսի ոստիկանության մի քանի բարձրաստիճան հրամանատարներ, ներառվել են Եվրամիության կողմից մարդու իրավունքների խախտումների պատրվակով սահմանված պատժամիջոցների ցուցակում:
ԵՄ նոր պատժամիջոցների ցուցակում ներառվել են նաև Էվին, Ֆաշաֆոյե և Ռաջայե Շահր բանտերը:
ԵՄ -ն այս կապակցությամբ տարածած հայտարարության մեջ նշել է. «Այս պատժամիջոցները ներառում են Եվրամիություն մուտքի արգելք և ֆիզիկական անձանց ակտիվների սառեցում»:
Իրանի դեմ Եմ պատժամիջոցները սահմանվել են 2011-ին և ամեն տարի թարմացվում են: Ներկայումս 89 անձ և իրանական 4 կառույց ներառված են ԵՄ պատժամիջոցների ցանկում:
Իրանի դեմ ԵՄ պատժամիջոցները համահունչ են Թեհրանի նկատմամբ Արևմուտքի համակարգված քաղաքականությանը: 2021-ի հունվարին ԱՄՆ նոր նախագահ Ջո Բայդենի երդմնակալությունից և անդրատլանտյան հարաբերությունների վերսկսման մասին նրա պնդումից հետո, եվրոպացիները բացահայտորեն փորձում են Իրանի հրթռիային կարողության, տարածաշրջանային քաղաքականության և ՀԳՀԾ-ի վերաբերյալ իրենց դիրքորոշումներում համահունչ լինել ԱՄՆ-ի հետ:
Վերջին զարգացումների հետ կապված նույնպես, ԵՄ-ն և Եվրոեռյակը փորձել են խաղալ միաժամանակ լավ և վատ ոստիկանի դեր: Նրանք մի կողմից պնդում են, որ ցանկանում են պահպանել ՀԳՀԾ-ն, իսկ մյուս կողմից հանդես են գալիս սպառնալիքներով և մեծ հավակնություններով:
Հատկանշական է, որ ԵՄ հակաիրանական նոր պատժամիջոցների մասին հայտարարվում է այն ժամանակ, երբ ՀԳՀԾ-ն գտնվում է ծայրահեղ վատ վիճակում: ՀԳՀԾ-ի անդամները պայմանավորվել են, որ համատեղ հանձնաժողովի հաջորդ նիստը տեղի կունենա հաջորդ շաբաթ, Վիեննայում ՝ տեղակալների մակարդակով, և կշարունակվեն փորձագիտական խմբերի շրջանակներում տեխնիկական և փորձագիտական խորհրդատվությունները՝ պատժամիջոցների վերացման և ՀԳՀԾ-ն վերականգնելու նպատակով միջուկային քայլերի վերաբերյալ
Կիրակի օրը, Նաթանզի միջուկային համալիրի ցենտրիֆուգների աշխատանքը խոչընդոտելու նպատակով էլեկտրամատակարարման բաժնի դեմ Սիոնիստական ռեժիմի դիվերսիոն գործողությանը զուգահեռ ԱՄՆ պաշտպանության նախարար Լլոյդ Օսթինի այցը գրավված Պաղեստին և նրա հակաիրանական հայտարարություններն ինչպես նաև երկուշաբթի օրը Եվրամիության կողմից Իրանի դեմ սահմանված նոր պատժամիջոցները, վկայում են համատեղ ծրագրի մասին:
Այս գործողությունները, որոնք ուղեկցվում են Թեհրանի դեմ ԱՄՆ-ի քաղաքական ճնշման ավելացմամբ և հոգեբանական պատերազմով՝ նպատակ ունենալով Իրանին ստիպել ընդունել ՀԳՀԾ վերադառնալու վերաբերյալ ԱՄՆ-ի առաջարկը վկայում են Բրյուսելի, Վաշինգտոնի և Թել Ավիվի միջև համաձայնեցված ծրագրի մասին: Ծրագրի նպատակն է ուժեղացնել Իրանի վրա ճնշումը և Թեհրանին ճնշման լծակներից զրկելը: Ի պատասխան այս զարգացումների ՝ Իրանի արտգործնախարար Մոհամմադ Ջավադ Զարիֆը հայտարարել է. «Ամերիկացիները պետք է իմանան, որ ոչ պատժամիջոցները, ոչ էլ դիվերսիաները նրանց բանակցություններով ճնշման լծակ չեն ապահովելու և միայն ավելի են բարդացնելու իրավիճակւ»:
