Մեկնաբանություն- Տարաձայնություն ԵՄ-ում՝ ռուսական էներգակիրների գնային առաստաղը սահմանելու շուրջ
Սրվել են էներգակիրների շուրջ վեճերը: Եվրոպան անհանգստացած է հատկապես ձմռանը իր էներգառեսուրսների ապահովման կապակցությամբ և փորձում է ճնշում գործադրել Մոսկվայի վրա՝ ռուսական գազի ներկրման համար գնային շեմ սահմանելու համար, սակայն այժմ այս հարցը պառակտում է առաջացրել ԵՄ անդամների միջև։
Եվրամիության էներգետիկայի նախարարները պատրաստվում են վաղը կայանալիք արտահերթ նիստում քննարկել, էներգետիկ ճգնաժամի հաղթահարկման ուղիները և խոսել գների առաստաղը սահմանելու մասին: Չեխիայի արդյունաբերության նախարար Ժոզեֆ Ռեսիկլան որի երկիրը նախագահում է Եվրամիությունը, պահանջել է հանել այս ծրագիրը ԵՄ-ի էներգետիկայի նախարարների բանակցությունների օրակարգից՝ ասելով. «Այս առաջարկը կառուցողական չէ և իրականում Ռուսաստանի նկատմամբ պատժամիջոցներ կիրառելու ևս մեկ տարբերակ է, այլ ոչ թե իրական լուծում Եվրոպայի էներգետիկ ճգնաժամի համար»:
Եվրոպան այն դեպքում է փորձում վերահսկել էներգետիկ շուկան, երբ նախկինում Ռուսաստանից էր ստանում իր գազի մոտ 40 և նավթի 30 տոկոսը, իսկ վերջին ամիսներին, Ռուսաստանի և Արևմուտքի միջև լարվածության սրման պայմաններում, ռուսական գազի հոսքը դեպի Եվրոպա կտրուկ նվազել է, ինչի պատճառով եվրոպական երկրները մտահոգված են գալիք ձմռանը վառելիքի ապահովման, վառելիքի գների աճի և դրա հետևանքով գնաճի, գործազրկության և տնտեսական լճացման կապակցությամբ:
Այնուամենայնիվ, նրանք մտադիր են շարունակել իրենց թշնամական քաղաքականությունը՝ ճնշում գործադրելով Ռուսաստանի վրա։ Եվրահանձնաժողովի ղեկավար Ուրսուլա ֆոն դեր Լեյենն ասել է. «Եվրահանձնաժողովն առաջարկելու է միություն ներկրվող ռուսական գազի առավելագույն գին սահմանել»:Եվրահանձնաժողովի ղեկավարի խոսքով, դա թույլ կտա սահմանափակել Ռուսաստանի՝ էներգակիրների վաճառքից ստացվող եկամուտները։
«Մենք պարտավոր ենք կրճատել Ռուսաստանի եկամուտները, որոնք Պուտինն օգտագործում է Ուկրաինայում դաժան պատերազմը վարելու համար», - հայտարարել է ֆոն դեր Լեյենը։
Նա նաև հայտարարել է, որ այս քայլը կկանխի Եվրոպայի էներգետիկ շուկան մանիպուլյացիայի ենթարկելու Պուտինի փորձերը։
Ֆոն դեր Լեյենն այն դեպքում է նման հայտարարությամբ հանդես եկել, երբ Մոսկվան ավելի վաղ զգուշացրել է, որ այն երկրները, որոնք պաշտպանում են Վաշինգտոնի առաջարկած գնային առաստաղը իրենց հում նավթի արտահանման համար, պատժամիջոցների կենթարկվեն:
Վերջին 12 ամսում բնական գազի գինը 400 տոկոսով բարձրացել է եվրոպայի շուկայում։ Գազի գնի բարձրացումից խիստ տուժել են եվրոպական երկրները: Արդյունաբերության շատ ճյուղեր տատանվում են շարունակել աշխատանքը, և շատ փոքր ձեռնարկություններ սնանկացել են վառելիքի և էլեկտրաէներգիայի թանկացման պատճառով:
Այժմ եվրոպական երկրները պատրաստվում են բանակցել այդ գործընթացի դեմ պայքարի եղանակների շուրջ և որոշում կայանցել: Նրանք պատրաստվում են հսկայական ներդրումներ կատարել էներգիայի այլընտրանքային աղբյուրներում, նվազեցնել էլեկտրաէներգիայի սպառումը և օգտագործել այլընտրանքային վառելիք։ Դրանց թվում են ածխով աշխատող էլեկտրակայանների շահագործումը, ինչպես նաև ատոմակայանների օգտագործումը, վառելափայտի և փայտի օգտագործումը տները տաքացնելու համար։