Մեկնաբանություն- Քուվեյթը կրկնել է NPT-ին Սիոնիստական ռեժիմի միանալու իր պահանջը
Վիեննայում տեղակայված ՄԱԿ-ի կազմակերպություններում Քուվեյթի մշտական ներկայացուցիչը կրկին միջազգային հանրությունից պահանջել է ստիպել Սիոնիստական ռեժիմին միանալ Միջուկային զենքի չտարածման պայմանագրին (NPT):
NPT-ն՝ Միջուկային զենքի չտարածման պայմանագրի անգլերեն «Nuclear Non-Proliferation Treaty» անվան հապավումն է։ NPT պայմանագիրը մշակվել է 1968 թվականի հուլիսի 1-ին: Նույն թվականին ԱՄՆ-ը, Բրիտանիան և 59 այլ երկրներ ստորագրել են այն: Պայմանագիրը գործադրման է հանձնվել 1970 թվականի մարտի 5-ին, երբ հաստատվել է ԱՄՆ Կոնգրեսում: Ներկայումս այս պայմանագրին անդամակցում են 186 երկրներ։ Պայմանագրի անդամ չեն միայն Կուբան, Իսրայելը, Հնդկաստանը և Պակիստանը։ Հյուսիսային Կորեան մի քանի տարի առաջ դուրս եկավ այս պայմանագրից: Այս պայմանագիրը հաստատվել և իրականացվել է միջուկային զենքի տարածումը կանխելու նպատակով։
Սիոնիստական ռեժիմն ունի միջուկային զենք և, ըստ բազմաթիվ տեղեկությունների, ունի 200-ից 400 միջուկային մարտագլխիկ, սակայն հրաժարվում է միանալ Միջուկային զենքի չտարածման պայմանագրին: Մինչ այժմ տարբեր երկրներ պահանջել են, որպեսզի Ղոդսն օկուպացրած ռեժիմը միանա NPT-ին: Սակայն Թել Ավիվը դեռևս չի միացել պայմանագրին: Միևնույն ժամանակ, ռեժիմը դեմ է խաղաղ միջուկային էներգիայի օգտագործմանը այնպիսի երկրների կողմից, ինչպիսին է Իրանը և համաշխարհային մակարդակով այդ ուղղությամբ քարողչություն է իրականացնում:
Մինչ այժմ Արևմտյան Ասիայի տարածաշրջանի շատ երկրներ, ներառյալ Իրանի Իսլամական Հանրապետությունը, Քուվեյթը և Կատարը, պահանջել են Թել Ավիվի միացումը NPT-ին, սակայն արևմտյան գերտերությունները, հատկապես ԱՄՆ-ը, ոչ միայն վճռակամ չեն ճնշում գործադրելու այս ռեժիմի վրա՝ միանալու NPT-ին, այլ նաև աջակցում են Իսրայելի միջուկային ծրագիրը միջազգային կառույցների, այդ թվում՝ Ատոմային էներգիայի միջազգային կազմակերպության վերահսկողությունից դուրս պահելուն:
Քուվեյթն Արևմտյան Ասիայի տարածաշրջանի այն երկրներից է, որը բազմիցս քննադատել է Սիոնիստական ռեժիմին՝ NPT պայմանագրին չմիանալու համար: Քուվեյթի տեսանկյունից, պայմանագրին Սիոնիստական ռեժիմի չմիանալը և ՄԱԳԱՏԷ-ի կողմից ռեժիմի միջուկային օբյկտների չվերահսկվելը ոչ միայն անվտանգության վտանգ է, այլև սպառնում է միջուկային անվտանգությանը և մարդկանց առողջությունը:
Եվ հիմա, Քուվեյթի կառավարությունը կրկին բարձրացրել է այս պահանջը: ՄԱԿ-ում Քուվեյթի մշտական ներկայացուցիչ Թալալ Ալ -ֆասամը, ՄԱԳԱՏԷ-ի 66-րդ նիստում ասել է.«Սիոնիստական ռեժիմի միջուկային օբյեկտները պետք է ամբողջությամբ վերահսկվեն Ատոմայի էներգիայի միջազգային կազմակերպության կողմից»: Ալ- ֆասամը զարմանք է հայտնել, որ Իսրայելի միջուկային սպառնալիքն անտեսվում է, հավելելով. «Իսրայելի միջուկային ծրագիրը սպառնալիք է տարածաշրջանի անվտանգության ու ապահովության համար, սրում է լարված իրավիճակը և հակասում է միջազգային բանաձևերին»:
Հատկանշական է ,որ ՄԱԿ-ը և Ատոմային էնէրգիայի միջազգային կազմակերպությունը ոչ միայն որևե քայլ չեն ձեռնարկում Սիոնիստական ռեժիմին ճնշելու համար,որպեսզի միանա NPT-ին, այլ նույնիսկ Կազմակերպության գլխավոր տնօրենը մի շարք հատուկ հարցերի կապակցությամբ, այդ թվում՝ Իրանի միջուկային հարցի դեպքում, ազդվում է ռեժիմի քարոզչություններից և նկատի առնում ռեժիմի շահերը:
