Մեկնաբանություն-Եվրամության և Բրիտանիայի նոր պատժամիջոցներն Իրանի դեմ. Խոսքի և գործի հակադրություն
Եվրամիությունը և Բրիտանիան երկուշաբթի օրը համաձայնեցված քայլ կատարելով նոր պատժամիջոցներ են սահմանել Իրանի դեմ:
Խախտելով անկախ երկրների ներքին գործերին չմիջամտելու անհրաժեշտության մասին միջազգային օրենքները, Իրանում մարդու իրավունքների ոտնահարման պատրվակով և փաստորեն խռովարարներին աջակցելու շրջանակում,Լոնդոնը հայտարարեց, որ պատժամիջոցներ է սահմանել Իրանի 24 ֆիզիկական անձանց և կառույցների դեմ: Նոր պատժամիջոցների ցանկում է ներառված Իրանի կապի և տեղեկատվական տեխնոլոգիաների նախարար Իսա Զարեփուրի անումը:
Իրանի դեմ եվրոպական երկրների նոր պատժամիջոցների հարցում ամենաշատ ուշադրությունը գրավում է անգլիալեզու արբանյակային Press TV հեռուստաալիքի նկատմամբ սահմանված պատժամիջոցները։ Այս լրատվական ալիքը տարիներ շարունակ աշխատել է արևմուտքի լրատվական մենաշնորհը կոտրելու կողմնորոշմամբ, քանի որ Արևմուտքը մշտապես իրադարձություններն արտացոլել է հատուկ կողմնորոշումներով և իր շահերի շրջանակում:
Այս հարցը մշտապես զայրացրել է արևմտյան պետություններին, այդ իսկ պատճառով նրանք ժամանակ առ ժամանակ ձեռնարկել են այնպիսի գործողություններ, ինչպիսիք են «Press TV»-ի արգելափակումը վիրտուալ ցանցերում, այդ թվում YouTube-ում, Instagram-ում և այլն, և միևնույն ժամանակ ճնշում գործադրելով՝ նրանք բազմիցս կանխել են Press TV-ի արբանյակային հաղորդումների հեռարձակումը:
Այժմ եվրոպացիները, ԱՄՆ-ի հետ միասին, հակառակ խոսքի ազատության և լրատվամիջոցների ազատության կարգախոսին, Իրանի Իսլամական Հանրապետության տեսակետների տարածման շարունակումը, հատկապես Իրանում անկարգությունների բնույթի և այս ոլորտում Արևմուտքի դերակատարության լուսաբանումը կանխելու հույսով բոյկոտել են Press TV-ին, մինչդեռ բոլոր տեսակի պարսկական լրատվամիջոցները և արբանյակային ալիքները եվրոպական երկրներում, հատկապես Բրիտանիայում,գործում են Արևմուտքի և տարածաշրջանային հետադեմ երկրների, հատկապես Սաուդյան Արաբիայի փողերով: Որպես այդպիսին Iran International արբանյակային հեռուստաալիքը սաուդցիների փողերով և Լոնդոնի ազդեցության ներքո տարատեսակ կեղծ լուրեր է տարածում և այլ ավերիչ ու դիվերսիոն գործունեություն իրականացնում:
Գործի լիակատար ազատություն ունեցող այս լրատվամիջոցներն Իրանում աջակցում են անկարգություններին և խռովություններին և տարածում են կեղծ լուրեր՝նրանց հրահրելով և խրախուսելով շարունակել անկարգությունները, նույնիսկ սովորեցնելով բռնի գործողություններ, ինչպիսիք են Մոլոտովի կոկտեյլներ և այլ տեսակի կործանարար սարքեր պատրաստելը:
Հարց է ծագում ,թե եվրոպացիները, ովքեր մշտապես խոսում են մարդու իրավունքներից ու ազատություններից, ներառյալ խոսքի և լրատվամիջոցների ազատությունից, արդյոք եթե իրենց երկրներում որևէ լրատվամիջոց կամ արբանյակային ցանց զբաղվի բռնություններ տարածելով և իրենց քաղաքացիներին պատերազմական զենքեր պատրաստելու եղանակներ սովորեցնելով, նրանց թույլ կտա՞ն շարունակել նման սադրիչ քայլ կատարել:
Իհարկե, այս հարցի պատասխանը բացասական է, և մարդու իրավունքների հավակնող եվրոպացիները երբեք թույլ չեն տա լրատվամիջոցներին և արբանյակային ալիքներին նման գործունեություն իրականացնել։ Նրանք իրենց հակաիրանական քաղաքականության շրջանակում և ԻԻՀ-ի նկատմամբ տածած թշնամական կողմնորոշման պատճառով, Իրանի թշնամի լրատվամիջոցներին թույլ են տալիս նման գործունեություն ծավալել: Փաստորեն, սա արևմտյան երկրների, այդ թվում՝ եվրոպական երկրների երկակի մոտեցման ևս մեկ օրինակ է այնպիսի խնդիրների նկատմամբ, ինչպիսիք են ահաբեկչությունը և մարդու իրավունքները, ինչպես նաև խոսքի և լրատվամիջոցների ազատությունը: