Մեկնաբանություն - Եվրոպայի և ԱՄՆ-ի միջև տարաձայնությունները սրվել են
Ամերիկյան նավթային հսկան Exxon-ը, որպես եվրոպական մայրցամաքի նավթի խոշորագույն մատակարարներից մեկը, հայց է ներկայացրել Եվրամիության դեմ՝ նավթային ընկերությունների «ավելցուկային եկամուտների» վրա հարկ սահմանելու համար։ Նոր հարկը ուժի մեջ կմտնի դեկտեմբերի 31-ից ,որը 2022 և 2023 թվականներին համարժեք կլինի նավթային ընկերությունների բոլոր հարկվող շահույթի առնվազն 33 տոկոսին:
Ամերիկյան նավթային այս հսկան հայտարարել է,որ Բրյուսելը որ հարկեր սահմանելով վաստակելու է մինչև 25 միլիարդ եվրո, գերազանցել է իր օրինական լիազորությունները։ Exxon-ը հայտարարել է, որ հայց է ներկայացրել Եվրամիության դեմ, ստիպելու նրան չեղարկել նավթային եկամուտների վրա իր սահմանած հարկերը:
Չորեքշաբթի օրը գերմանական և հոլանդական դուստր ձեռնարկությունները հայցը ներկայացրել են Լյուքսեմբուրգ քաղաքում գտնվող Եվրոպական ընդհանուր դատարան: Դատական հայցը եվրոպական պետությունների կողմից ներկայացված ամենակարևոր հայցն է նավթարդյունաբերության հարկի դեմ՝ Ուկրաինա Ռուսաստանի ներխուժումից հետո էներգակիրների գների աճի ֆոնին:
Թվում է, թե չնայած Ջո Բայդենի նախագահության տարիներին անդրատլանտյան կոնվերգենցիայի և Եվրոպայի ու Միացյալ Նահանգների վերամիավորման ոլորտում առկա հույսերին, Ատլանտյան օվկիանոսի երկու կողմերի միջև ևս մեկ անգամ առաջացել են տարաձայնություններ և ճեղքեր տնտեսական և առևտրային ոլորտներում,ինչը հանգեցրել է Բրյուսելի ու Վաշինգտոնի միջև տարաձայնությունների սրմանը:
Եվրոպան հետևելով ԱՄՆ-ի օրինակին, պատժամիջոցներ սահմանեց Ռուսաստանի դեմ, ինչը հանդիպեց Մոսկվայի հակազդեցությանը և հանգեցրեց դեպի Եվրոպա նավթի և գազի արտահանման կտրուկ նվազմանը, գների աննախադեպ աճին և տնտեսական լճացմանը եվրոպական շատ երկրներում, այդ թվում՝ Գերմանիայում, Ֆրանսիայում և Բրիտանիայում: Այժմ Եվրամիությունը փորձում է ամերիկյան նավթային ընկերություններին հարկելու միջոցով, ԱՄՆ-ին ներգրավել Ռուսաստանի դեմ Արևմուտքի վարած քաղաքականության և գործողությունների հետևանքով առաջացած ծանր ծախսերի մեջ։
Եվրահանձնաժողովն ընդգծել է. «Անսպասելի հարկը լիովին համահունչ է ԵՄ օրենսդրությանը, և գործընկերությունն ու համերաշխությունը երաշխավորում են, որ ամբողջ էներգետիկ ոլորտը վճարի իր բաժինը այս դժվարին ժամանակներում»:
Exxon-ի ներկայացուցիչ Քեյսի Նորթոնն ասել է. «Exxon-ը վերջին 10 տարիների ընթացքում 3 միլիարդ դոլար է ծախսել եվրոպական վերամշակման նախագծերի վրա ՝ ավելացնելով իր արտադրությունն այն ժամանակ, երբ Եվրոպան պայքարում է նվազեցնելու Ռուսաստանից էներգակիրների ներմուծումը»:
Հաշվի առնելով ԱՄՆ-ում հակագնաճային օրենքի ընդունումը, Եվրոպացի ղեկավարներն ու բարձրաստիճան պաշտոնյաները վերջերս զգուշացրել են Միացյալ Նահանգների հետ առևտրային պատերազմի վտանգի կապակցությամբ և սպառնացել,որ բողոքելու են Առևտրի համաշխարհային կազմակերպությանը, եթե Վաշինգտոնը շարունակի անտեսել Եվրամիության քննադատությունները: Սպիտակ տունը նշում է ,որ հակագնաճային օրենքն ուղղված է ամերիկյան արտադրությունը վերականգնելու և վերականգնվող տեխնոլոգիաները խթանելու ջանքերին, սակայն ԵՄ երկրները համոզված են, որ ԱՄՆ-ն առևտրային պատերազմ է մղել Եվրոպայի դեմ՝ սուբսիդավորելով իր կանաչ տնտեսությունը և հարկեր սահմանելով եվրոպական ընկերությունների արտադրանքի վրա վերջիններիս զրկել է ամերիկյան մրցակիցների հետ արդար մրցելու հնարավորությունից: