Աֆղանստանում պահանջում են ռազմական հանցագործությունների համար պատժել ավստրալացի զինվորականներին
Աֆղանստանի մարդու իրավունքների անկախ հանձնաժողովը (AIHRC) կոչ է արել պատժել ավստրալացի զինվորականներին՝ քաղաքացիական անձանց նկատմամբ ռազմական հանցագործությունների իրականացման համար:
Աֆղանստանի մարդու իրավունքների անկախ հանձնաժողովը (AIHRC) հայտարարություն է տարածել ՝ ի պատասխան Ավստրալիայի ՊՆ ղեկավարի խոստովանության՝ Աֆղանստանում ավստրալացի զինվորականների կողմից 39 աֆղան խաղաղ բնակիչների սպանության վերաբերյալ:
Աֆղանստանի մարդու իրավունքների հանձնաժողովը այլ երկրներին, ներառյալ՝ Միացյալ Նահանգներին և Բրիտանիային, կոչ է արել հետաքննել Աֆղանստանում իրենց զինվորականների կողմից կատարված նմանատիպ հանցագործությունները:
Ավստրալիայի ՊՆ ավագ հրամանատար, գեներալ Անգուս Քեմփբելը հինգշաբթի օրը կայացած մամուլի ասուլիսում խոստովանեց, որ 2009-ից 2013 թվականներին Աֆղանստանում ավստրալացի զինծառայողները սպանել են 39 աֆղան քաղաքացիների:
Ավստրալիայի ԱԳՆ-ն ավելի ուշ հայտարարությամբ ներողություն է խնդրել Աֆղանստանի կառավարությունից:
