Լիբանանի բանակը Բեյրութի դեպքերի առնչությամբ ձերբակալել է 9 մարդու
Լիբանանի բանակը հայտարարել է Բեյրութում երեկ տեղի ունեցած հրաձգության գործով ինը մարդու ձերբակալելու մասին:
Հինգշաբթի երեկոյան Լիբանանի բանակի տարածած հայտարարության մեջ ասվում է, որ երեկվա կրակոցների հեղինակներին գտնելու նպատակով իրականացված գործողության արդյունքում ձերբակալվել է ինը մարդ:
Լիբանանյան բանակն ընդգծել է, որ շարունակվում են շփումները համապատասխան կողմերի հետ ՝ իրավիճակը վերահսկելու և Բեյրութում խռովությունը կանխելու նպատակով:
Երեկ առավոտյան Բեյրութի նավահանգստի պայթյունի գործով քննիչ Տարիկ Բիթարի գործողությունների դեմ բողոքող մի խումբ քաղաքացիներ, ցույց են անցկացրել Բեյրութի արդարադատության պալատի առջև: Ցույցի ժամանակ, մի խումբ զինված անձինք, կրակ են բացել ցուցարարնբերի ուղղությամբ: Հարձակման հետևանքով զոհվել է 6 մարդ, ավելի քան 60 -ը ՝ վիրավորվել: