Իրաքի արևմուտքում գտնվող Այն ալ-Ասադ ամերիկյան բազան ենթարկվել է հրթիռային հարձակման
Իրաքյան աղբյուրները հաղորդում են Ալ Անբար նահանգում Այն ալ-Ասադ ամերիկյան ռազմաբազայի վրա իրականացված հրթիռային հարձակման մասին:
Shafaq News-ի հաղորդմամբ, չորեքշաբթի երեկոյան իրաքյան աղբյուրները հայտնել են, որ Այն ալ-Ասադ բազան հարձակման է ենթարկվել 107 մմ տրամաչափի տասներկու հրթիռներով:
Հաղորդվում է, որ հարձակումից հետո ամերիկյան ուժերը բերվել են են բարձր պատրաստության վիճակի:
Անվտանգության աղբյուրի տվյալներով՝ հրթիռներն արձակվել են Հիթ քաղաքից 25 կիլոմետր հեռավորության վրա գտնվող Ալ-Բաստամիյա գյուղից։
Նախօրեին իրաքյան աղբյուրները հաղորդել էին, որ Այն ալ-Ասադ բազան հարձակման է ենթարկվել ԱԹՍ-ներով: Անցած տարվա մայիսի սկզբին նույնեպս բազան մի քանի անգամ հրթիռակոծվել էր:
Ամերիկյան օկուպացիոն ուժերը Իրաքում տեղակայվել են 2003 թվականից: Իարքի ժողովուրդն ու քաղաքական խմբավորումները բազմիցս պահանջել են ամերիկյան զորքերի դուսրբերումն այդ երկրից: Իսկ խորհրդարանը հաստատել է այդ ուժերի դուրսբերման ծրագիրը։
