Human Rights Watch-ի եվրոպական գարսենյակի ղեկավարը բողոքել է Նեթանյահուի ձերբակալության օրդերի տրամադրումը հետաձգելու դեմ
Human Rights Watch-ի եվրոպական-միջերկրածովյան գրասենյակի ղեկավարը բողոքել է Արդարադատության միջազգային դատարանի կողմից Սիոնիստական ռեժիմի վարչապետի և պատերազմի նախարարի ձերբակալության օրդերի տրամադրումը հետաձգելու դեմ։
Պաղեստինյան «Սամա» լրատվական գործակալության փոխանցմամբ՝ Ռամի Աբդոն քննադատել է Իսրայելի վարչապետի ձերբակալության օրդերի տրամադրումը հետաձգելու՝ դատարանի որոշումը։ Բենիամին Նեթանյահուն և նախարար Յոավ Գալանտը մեղադրվում են Գազայում ռազմական հանցագործությունների մեջ ներգրավված լինելու մեջ։
Աբդոն հայտարարել է․ «Արդարադատության միջազգային դատարանի վերջին որոշումը նշանակում է կանաչ լույս Գազայի հատվածում ցեղասպանության շարունակման համար»։
Ավելի վաղ, եբրայալեզու «Եդիոթ Ահարոնոթ» թերթը գրել էր, որ հունիսի 24-ին, նախքան Նեթանյահուի ԱՄՆ մեկնելն Արդարադատության միջազգային դատարանը կհրապարակի նրա ձերբակալության օրդերը։
Եթե դա տեղի ունենա, Նեթայնահուն և Գալանտը չեն կարողանա մեկնել աշխարհի 124 երկիր։
Գազայի հատվածում արդեն 9 ամիս շարունակվող պատերազմը, որն Իսրայելի համար որևէ արդյունք չի ունեցել, ռեժիմին օրեցօր ավելի է խորացնում ներքին ու արտաքին ճգնաժամերի մեջ։
Պատերազմի ընթացքում ռեժիմի ձեռքբերումները եղել են հանցագործությունները, ջարդերը, ավերածությունները, պատերազմական հանցագործությունները, միջազգային օրենքների ոտնահարումը, օգնության կազմակերպությունների ռմբակոծումը և սովի տարածումը։
Պաղեստինյան դիմադրության և «Հեզբոլլահի» ձախողման շուրջ ռեժիմի իշխանությունների միջև տարաձայնությունների սրումը նույնպես մեծացրել է լարվածությունը։ Սիոնիստների մեծ մասը Նեթանյահուին մեղադրում է այս ձախողման համար և պահանջում նրա հրաժարականը։
Անցած գիշեր իսրայելցի գերիների ընտանիքների անդամները հավաքվել են Թել Ավիվում Բենիամին Նեթանյահուի տան դիմաց և կրակ վառել ու նրա վարած քաղաքականության դեմ կարգախոսներ վանկարկել։