Սիոնիստական ռեժիմի արտգործնախարար. քանի որ Գուտերեշը չողջունեց ալ-Սանվարի սպանությունը, նա դեռ անցանկալի տարր է
Սիոնիստական ռեժիմի արտաքին գործերի նախարարը հայտարարեց, որ քանի որ ՄԱԿ-ի գլխավոր քարտուղարը չի «ողջունել» Յահյա ալ-Սանվարի սպանությունը, Թել Ավիվը դեռևս նրան համարում է «անցանկալի տարր»։
Ըստ ISNA-ի՝ Իսրայելի արտգործնախարար Իսրայել Կացն այսօր (ուրբաթ) ասել է, որ ՄԱԿ-ի գլխավոր քարտուղար Անտոնիո Գուտերեշը դեռևս համարվում է «անցանկալի տարր»՝ Գազայում ՀԱՄԱՍ-ի առաջնորդ Յահյա ալ-Սանվարի սպանությունը «չողջունելու» պատճառով և չի ունենա գրավյալ տարածքներ մուտք գործելու իրավունք։
Օկուպացիոն ռեժիմի արտաքին գործերի նախարարը հաղորդագրություն է հրապարակել X սոցիալական ցանցում (նախկին Twitter) և գրել, որ Գուտերեշը հրաժարվել է Պաղեստինի դիմադրության շարժումը «ահաբեկչական կազմակերպություն» հայտարարել Ալ-Աքսայի փոթորկի գործողությունից հետո և հիմա էլ չի ողջունել Յահյա ալ-Սանվարի սպանությունը։
Sputnik լրատվական գործակալության փոխանցմամբ՝ Կացն այս ուղերձում գրել է. «Գուտերեշը ծայրահեղ հակաիսրայելական և հակասեմական օրակարգ է ընդունել։ Մենք շարունակում են նրան ճանաչել որպես անցանկալի տարր և արգելում ենք նրա մուտքն Իսրայել»։
Հինգշաբթի օրը իսրայելական բանակը հայտարարեց, որ սպանել է Յահյա ալ-Սանվարին Գազայի հարավում: Սիոնիստները պնդում էին, որ Ալ-Սանվարի նահատակությունը պատահական է եղել, և իրենք այս հանցագործությունը չեն կատարել ծրագրված գործողության ընթացքում:
Հոկտեմբերի սկզբին բռնազավթիչ ռեժիմի արտաքին գործերի նախարարը պնդել էր, որ Գուտերեշը չի դատապարտում Իրանի օրինական հրթիռային պատասխանը սիոնիստների հանցագործություններին և նրան անվանել է անցանկալի տարր՝ ասելով, որ իր մուտքը գրավյալ տարածքներ կարգելափակվի։