ՀՍՄԱՍ-ը նախազգուշացրել է Գազայի հրադադարի համաձայնագրի լիակատար փլուզման վտանգի մասին

ՀԱՄԱՍ-ի խոսնակը հայտարարել է, որ շարժումը լիովին պատրաստ է ՄԱԿ-ի՝ Գազայի խաղաղության ծրագրի վերաբերյալ հատուկ համակարգող հանձնաժողովի հետ համաձայնեցված ճանապարհային քարտեզի իրականացմանը։ Նա հավելել է․ «Գազայի հրադադարի համաձայնագրի և դրա հետ կապված ճանապարհային քարտեզի լիակատար փլուզումը պայմանավորված է օկուպանտ ռեժիմի կողմից համաձայնագիրը կատարելուց հրաժարվելով»։

Pars Today-ը, վկայակոչելով IRNA-ին, հայտնում է, որ Հազեմ Ղասեմն ընդգծել է, որ շարժումը լիովին պատրաստ է ՄԱԿ-ի հատուկ համակարգող հանձնաժողովի հետ Գազայի խաղաղության ծրագրի վերաբերյալ համաձայնեցված ճանապարհային քարտեզի իրականացմանը և նշել, որ այդ նպատակով ձեռնարկել է բոլոր անհրաժեշտ քայլերը։

Հազեմ Ղասեմն ավելացրել է, որ հրադադարի համաձայնագրի և դրա հետ կապված ճանապարհային քարտեզի լիակատար փլուզումը պայմանավորված է օկուպանտ ռեժիմի՝ համաձայնագիրը կատարելուց հրաժարվելով և Գազայի բնակչության դեմ ագրեսիայի սրմամբ, ինչպես նաև հատուկ համակարգող հանձնաժողովի և դրա ներկայացուցիչ Նիկոլայ Մլադենովի՝ օկուպանտ ուժերին դրա իրականացումը պարտադրելու ձախողմամբ։

ՀԱՄԱՍ-ի խոսնակն ընդգծել է բոլոր կողմերի, հատկապես ԱՄՆ կառավարության և հատուկ համակարգող հանձնաժողովի կողմից տեխնոկրատական հանձնաժողովի մուտքը Գազայի հատված դյուրացնելու անհրաժեշտությունը՝ հատվածի բնակիչների նկատմամբ իր պարտականությունները կատարելու և հրադադարի համաձայնագրին ու դրա հետ կապված ճանապարհային քարտեզին համապատասխան միջազգային ուժերի տեղակայման գործընթացը սկսելու նպատակով։

Ավելի վաղ իսրայելական Haaretz թերթը գրել էր, որ Իսրայելի ընտրությունների նախաշեմին Գազայի հատվածի ապագայի շուրջ տարաձայնությունները սրվել են, իսկ տեղեկությունները վկայում են, որ իսրայելցի պաշտոնյաները հրաժարվում են համագործակցել «Գազայի խաղաղության խորհրդի» հետ։