Դամասկոսի ջրի ճգնաժամը քննարկվելու է Մոսկվայում ու Անկարայում
Սիրիայում ՄԱԿ-ի հատուկ պատվիրակը հինգշաբթի օրն ասել է, որ Դամասկոսի ջրի ճգնաժամի հարցով երկու նիստ է գումարվելու Մոսկվայում և Անկարայում:
«Ալ-Ալամ»-ի հաղորդման համաձայն, Վադի Բերդի տարածքի ահաբեկիչներն, այդ թվում Ջեբհաթ-ալ-Նուսրան, դեկտեմբերի 24-ից աղտոտել են այդ տարածքում գտնվող Դամակոսի ջրի ապահովման գլխավոր աղբյուրները:
Այդ պատճառով անցած մի քանի շաբաթներում Դամասկոսում ջրի հոսքն անջատված է եղել և ջրամատակարարումն իրականացվում է տանկերների միջոցով:
Այս կապակցությամբ Սիրիայի հարցերով ՄԱԿ-ի հատուկ ներկայացուցիչ Ստեֆան Դի Միստուրան ասել է. «Սիրիացի ինժիներներն այս պահին օժանդակում են ՄԱԿ-ի փորձագետներին, որոնք աղտոտված ջրի վիճակին վերահասու լինելու համար պատրաստ են մտնել Վադի Բերդի տարածք: Սակայն նրանց անհրաժեշտ է անվտանգության պահպանում»:
«ՄԱԿ-ի փորձագետները երկու անգամ փորձել են մտնել այդ տարածք, սակայն ահաբեկչական խմբերը նրանց կանգնեցրել են»,-հայտարարել է Դի Միստուրան:
Սիրիայում ՄԱԿ-ի հատուկ պատվիրակն, ընդգծել է Աստանայում նախատեսված Սիրիայի խաղաղության նիստի հանդեպ ՄԱԿ-ի հովանավորությունը:
«ՄԱԿ-ը պատրաստ է հովանավորել այս նիստի արդյունքները, որոնք կարող են Ժնևի նստաշրջանի համար նախապատրաստական քայլ համարվել»,-հավելել է Ստեֆան Դի Միստուրան:
Ծրագրումների համաձայն, Սիրիայի կառավարության և ընդդիմության ներկայացուցիչների բանակցությունները հունվարի 23-ին՝ ՄԱԿ-ի մի պատվիրակության մասնակցությամբ տեղի կունենան Աստանայում:
