Դամասկոսի ջրի հիմնական աղբյուրը ազատագրվել է
Սիրիայի բանակի ուժերին հաջողվել է ահաբեկիչներից ազատագրել Վադիբորդիի շրջանում Դամասկոսի ջրի գլխավոր՝ «Այն Ալ-Ֆիջայի» աղբյուրը:
Հղում անելով Լիբանանի «Ալ-Մայադին» հեռուստաընկերությունը, Իրանի ռադիո-հեռուստաընկերության լուրերի ծառայությունը հաղորդել է.«Սիրիայի բանակային ուժերը շաբաթ օրը մուտք են գործել Դամասկոսի արվարձանային Վադիբորդիի շրջանի «Այն Ալ-Ֆիջա»-ի աղբյուրի շրջակայք և ազատագրել են այդ տարածքը»:
Վադիբորդիի շրջանն ապահովում է Սիրիայի մայրաքաղաքին մատակարարվող ջրի ավելի քան 70 տոկոսը: Դամասկոսի որոշ շրջանների ջուրը ներկայումս ապահովվում է տանկերների միջոցով:
Սիրիայի բանակի հաղթանակներն ու ահաբեկիչների պարտությունները շարունակվում են։ Դրան իր պատասխան զինված խմբավորումները սկսել են ավերել երկրի ենթակառուցվաքծների մեծ մասը, խափանելով ջրի ու էլեկտրականության մատակարարումը:
