Հարյուրավոր ֆրանսիացի երեխաներ՝ Սիրիայում ահաբեկիչների գրավման տակ գտնվող տարածքներում
Ֆրանսիացի հարյուրավոր մանկահասակ քաղաքացիներ բնակվում են Սիրիայում ահաբեկիչների կողմից բռնազավթված տարածքներում:
Համաձայն «Լը Ֆիգարո» օրաթերթի հաղորդման, Ֆրանսիայի հանցագործությունների ու ծայրահեղականության կանխման նախարարական կոմիտեի անդամ Սիլվի Էսպեսիեն հայտարարել է, որ գնահատումների համաձայն հարյուրավոր մանկահասակ ֆրանսիացիներ, որոնց թիվը շուրջ 700 հոգու է հասնում, դեռ բնակվում են Սիրիայում, որոնց կեսից ավելին մինչև հինգ տարեկան երեխաներ են ու նրանց մեկ երրորդը ծնվել է Սիրիայում:
Ֆրանսիայի հանցագործությունների ու ծայրահեղականության կանխման նախարարական կոմիտեի անդամն ընդգծեց, որ Սիրիայում բնակվող այդ երեխաների ծնողներն ու խնամակալները Ֆրանսիայի տարածք մուտք գործելուց հետո հարցաքննվելու են:
Էսպեսիեն 700 ֆրանսիացի երեխաներին Սիրիայից Ֆրանսիա վերադարձելու համար օգնություն խնդրելով այդ երկրի կառավարությունից, ասել է, որ ուշադրություն պիտի ցուցաբերել հասարակական խնամքի ու ուսման կարոտ այդ երեխաներին:
Այս հաղորդման համաձայն 2016 թվականի սեպտեմբերից ի վեր 26 մանկահասակ ֆրանսիացիներ Սիրիայից վերադարձել են Ֆրանսիա:
Ֆրանսիան ահաբեկչության դեմ պայքարի ոլորտում երկակի քաղաքականություն վարող երկրներից է համարվում:
