Սիրիան պահանջել է հետաքննություն անցկացնել Հալեպում տեղի ունեցած պատերազմական ոճրագործությունների մասին
Սիրիայի արդարադատության նախարարը տեղեկացրել է, որ քննչական հանձնաժողով է ձևավորվել ահաբեկչական խմբերի կողմից Հալեպում իրականացված պատերազմական ոճրագործությունները հետաքննելու նպատակով:
«ԻՍՆԱ»-ի հաղորդման համաձայն՝ Նաջմ Ահմեդ Ալ-Ահմեդն ասել է, որ Սիրիայի արդարադատության նախարարությունը 10 հազար էջանոց զեկույց է պատրաստել ահաբեկիչների կողմից Հալեպում իրականցվցած պատերազմական ոճրագործությունների վերաբերյալ: Այս զեկույցը թարգմանվել է ֆրանսերեն և անգլերեն լեզուների:
«Սիրիայի արդարադատության նախարարությունը հայց է ներկայացրել դատարանին որպեսզի հաջորդ փուլում Սիրիայի ահաբեկչական խմբերի իրականացրած ոճրագործությունների վերաբերյալ միջազգային հետաքննություն անցկացվի».-հավելել է Ալ-Ահմեդը:
Սիրիայի արդարադատության նախարարը նշել է , որ հաջորդ նպատակն է ապացուցել որոշ երկրների ու կազմակերպությունների կողմից ահաբեկչական խմբերին աջակցություն ցուցաբերելու փաստը:
2016 թ.-ի դեկտեմբերին Սիրիայի բանակը ազատագրեց Հալեպ քաղաքը:
Ահաբեկչական խմբերը մեծ ոճրագործություններ են իրականացրել Հալեպ քաղաքում:
