Սիրիական Ռաքքան կարող է դառնալ ամենաթեժ բախումների կենտրոնը

Թուրքական «Հաբերթյուրք» կայքի սյունակագրերից Ահմեդ Քյուչյուքը, անդրադառնալով, սիրիական Ռաքքա քաղաքի ազատագրմանն ուղղված ռազմական գործողությունների պատրաստությանը նշել է, որ Ռաքքան կարող է դառնալ ամենաթեժ բախումների կենտրոնը, որտեղ կհանդիպեն քրդական ուժերը, թուրքական ԶՈւ-ն և սիրիացի ընդդիմադիրներն ու «Իսլամական պետություն» ահաբեկչական խմբավորումը:

«Ռաքքան ամենամեծ պատերազմի վայրն է: Քաղաքի 80 տոկոսը սուննի արաբներ են: ԻՊ-ի կողմից սնուցվող ջիհադականների ամենախոշոր օղակներն այստեղ են», - գրում է սյունակագիրը:Քյուչյուքը ուշադրություն է հրավիրում այն փաստի վրա, որ թեև Թուրքիան համառորեն պնդում է, որպեսզի Ռաքքայի գործողության մեջ քրդերը տեղ չգտնեն՝ Արևմուտքն ու հենց իրենք՝ քրդերը բոլորովին այլ կարծիքի են և բախումն անխուսափելի է երևում:Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ իրենց իսկ խոսքով՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակում: Թուրքական ԶՈւ-ին աջակցում են նաև «Սիրիական ազատ բանակ» ընդդիմադիր խմբավորումն ու կոալիցիոն ուժերը՝ օդային հարվածների միջոցով: Թուրքական ԶՈՒ-ն պայքարում է նաև Սիրիայի հյուսիսում գործող քրդական ազգային խմբավորումների դեմ։

tert.am/