Իրանն ու Ռուսաստանը արտահանումների առաջարկ են ներկայացրել Կատարին
Կատարի ԱԳ նախարարը տեղեկացրել է այդ երկիր մեծ ծավալով սննդամթերք արտահանելու համար Իրանի ու Ռուսաստանի կողմից ներկայացված առաջարկի մասին:
ԻՌՆԱ-ի հաղորդման համաձայն, Կատարի ԱԳ նախարար Մոհամմեդ Բեն Աբդոլռահման Ալե Սանին կիրակի օրը «Ռուսաստան 24» լրատվական հեռուստակայանին տված հարցազրույցում ասել է. «Իրանը մյուս բարեկամ երկրների նման սննդամթերքի բեռնվածքների առաքման առաջարկ է ներկայացրել Կատարին»:
«Ռուսատանն էլ նման առաջարկ է ներկայացրել Կատարին, սակայն ներկա պահին դրա անհրաժեշտությունը չի զգացվում, քանի որ մի քանի այլ երկրների, այդ թվում Թուրքիայի միջոցով դա իրականացվում է»,-հայտարարել է Կատարի ԱԳ նախարարը:
Արաբիան, Էմիրությունները, Բահրեյնն ու Եգիպտոսն անցած երկուշաբթի օրը խզեցին իրենց հարաբերությունները Կատարի հետ:
Հիշյալ երկրները Կատարից պահանջել են դադարեցնել Պաղեստինի իսլամական դիմադրության շարժում՝ «Համաս»-ին ցուցաբերվող հովանավորությունը և արաբական որոշ հարցերում նրանց հետ համադրաբար աշխատել:
Դոհայի իշխանությունները հայտարարել են, որ որևէ մեկին թույլ չեն տալու միջամտել Կատարի արտաքին քաղաքականության մեջ:
