Մոգերինին ընդգծեց արաբական ճգնաժամն ուղղակի բանակցության միջոցով կարգավորելու անհրաժեշտությունը
ԵՄ արտաքին քաղաքականության պատասխանատու Ֆեդերիկա Մոգերինին կիրակի օրը պահանջեց ուղղակի բանակցության միջոցով կարգավորել Կատարի հետ Արաբիայի և նրա դաշնակիցների միջև ծագած ճգնաժամը:
Իրանի ռադիո-հեռուստատեսության լրատվական գործակալության հաղորդման համաձայն, Մոգերինին Քուվեյթի էմիր Շեյխ Սաբահ Ալ-Ահմեդ Ալ-Ջաբեր Ալ-Սաբահի և այդ երկրի այլ պաշտոնատարների հետ հանդիպումից հետո կատարած հայտարարություններում բոլոր կողմերին կոչ արեց ուղղակի բանակցության միջոցով գտնել Կատարի և նրա որոշ հարևանների միջև ծագած ճգնաժամի կարգավորման ուղեքարտեզը:
Ֆեդերիկա Մոգերինին ընդգծեց, որ ԵՄ-ն պաշտպանում է այս հակամարտության կարգավորմանն ուղղված միջնորդական ջանքերը:
Քուվեյթը որպես միջնորդ հանդես գալով, փորձում է մեղմել Կատարի հետ Արաբիայի, Եգիպտոսի, Էմիրությունների և Բահրեյնի հարաբերություններում ծագած լարվածությունը:
ԵՄ արտաքին քաղաքականության պատասխանատուն Կատարին շրջափակման ենթարկած չորս երկրների և Կատարի միջև ծագած ճգնաժամը կարգավորելու նպատակով կիրակի առավոտյան ժամանեց Քուվեյթ:
Արաբիան և նրա դաշնակիցներ՝ Եգիպտոսը, Էմիրություններն ու Բահրեյնը 2017 թվականի հունիսի 5-ին առանձին հաղորդագրություններ հրապարակելով հայտարարեցին թե խզում են Կատարի հետ իրենց դիվանագիտական հարաբերությունները և շրջափակումներ են գործադրում այդ երկրի դեմ: