Տարածաշրջանային երկրների միջեւ համագործակցության նոր հեռանակարները
Թուրքիայի ԶՈւ գլխավոր շտաբի պետ Հուլուսի Աքարն այցելել է Իրան: Թուրք բարձրաստիճան զինվորականին ընդունել է Իրանի նախագահ Հասան Ռոուհանին, ինչպես նաեւ ԶՈւ ԳՇ պետ Մոհամմադ Բաղերին:
Թեև վերջին հանդիպման վերաբերյալ մանրամասներ դեռ
չեն հաղորդվում, բայց դժվար չէ կռահել, թե թուրք գեներալն ինչ հարցեր է
քննարկել իրանցի իր գործընկերոջ հետ:
Իրանական եւ թուրքական ԶԼՄ-ները, անդարադառնալով Թուրքիայի ռազմական բարձրաստիճան պաշտոնիայի այցին, ընդգծում են, որ Քրդստանի անկախության հռչակման ֆոնին այն կարող է խթան հանդիսանալ երկու երկրների հարաբերություների բարելավման գործում:
Ուշագրավ մեկ փաստ եւս, հոկտեմբերի 4-ին նաև Թուրքիայի նախագահ ՌեջեփԹայիպ Էրդողանի այցելել է Թեհրան:
Թեեւ Իրանը փակել է օդային եւ ցամաքային սահմանը Քրդստանի հետ, այդուամենայնիվ՝ իր դիվանագիտական կեցվածքով կարծես թե շարունակում է մնալ դիտորդի դերում եւ խաղաղ միջոցներով փորձում իր համար շահեկան ելքեր փնտրում՝ շարունակելով համագործակցությունը Իրաքի կենտրոնական իշխանությունների հետ՝ ասում են արեւելագետները։
Սրան հակառակ՝ Թուրքիան գործի է դրել սպառնալիքը, եւ պատրաստակամություն հայտնել ռազմական գործողություն սկսել Քրդստանի ինքնավարության դեմ: Իրանագետ Արմեն Իսարայելյանը վերլուծելով, թե որն է Իրանի եւ Թուրքիայի համար սպառնացող վտանգը, ընդգծում է՝ երկու երկրներում կա քրդական մեծ համայնք եւ քրդական հարցը, որը կարող է վերաճել ներքին ընդվզման:
Իրաքի Քրդստանի անկախացմանը դեմ է նաեւ Իրաքը, որը նույնպես այս հարցում կողմ է Թուրքիայի քաղաքականությանը:
Իրաքյան Քրդստանի հանրաքվեով տարածաշրջանում նոր իրավիճակ է ստեղծվել եւ իրանագետ Արմեն Իսրայելյանը ազդեցության նոր գոտիներ ձեւավորելու պայքար է նկատում:
Միջազգային 130 դիտորդներ, որոնց թվում գերտերությունների նախկին արտգործնախարարներ, պաշտոնյաններ, հանրաքվեի անցկացումն ու արդյունքները գնահատել են դրական՝ նշել էին, որ քուրդ ժողովուրդը ընտրությունների միջոցով արտահայտել է իր իրավունքը:
Վերադառնալով Թեհրան կատարած Թուրքիայի ԶՈւ գլխավոր շտաբի պետ Հուլուսի Աքարի այցելությանը՝ տեղեկացնենք, որ Իրանի նախագահ Հասան Ռոուհանին հանդիպման ընթացքում ողջունել է Թեհրանի և Անկարայի միջև պաշտպանական համագործակցության ակտիվացումը, եւ նշել, որ այսօր երկու երկրների քաղաքական, տնտեսական և միջազգային կապերը բավարար մակարդակի վրա են, որ պետք է ձգտել ռազմական և պաշտպանական հարաբերությունների ընդլայնմանը՝ այլ ուղղություններին զուգահեռ:
Ռոուհանին նաեւ շեշտել է, որ Իրանը և Թուրքիան, որպես երկու կարևոր և ազդեցիկ երկրներ, տարածաշրջանի կայունության ապահովման համար կարող են ավելի արդյունավետ դեր խաղալ տարածաշրջանային խնդիրների և ճգնաժամերի կարգավորման հարցում:
armradio.am
