Ներկայացվեց Եմենի ծովային հրթիռային նոր համակարգը
Եմենի բանակը չորեքշաբթի օրը ներկայացրեց «Մանդաբ 1» ծովային հրթիռային նոր համակարգը:
Իրանի ռադիո-հեռուստատեսության լրատվական գործակալության հաղորդման համաձայն, Եմենի բանակն ընդգծելով, որ հրթիռային նոր համակարգը ծովային թիրախները ոչնչացնելու բարձր կարողությամբ է օժտված, հայտարարել է , որ «Մանդաբ 1» հրթիռային համակարգի արտադրության տեխնոլոգիան այնպես է, որ թշնամին անկարող է այն ապակոդավորել:
Ի դեպ, Եմենի քաղաքական գերագույն խորհրդի նախագահն ընդգծել է. «Այն ինչ հայտարարվել է եմենական ուժերի հրթիռային կարողության մասին, այդ ուժերի հզորության միայն մեկ բաժինն է »:
«Եմենական ուժերն օժտված են հրթիռներով, որոնց հեռահարություն ու կործանման հզորությունը որևէ մեկը չի կարող գնահատել»,-հայտարարել է Սալեհ Ալ-Սամադը:
Չնայած սաուդական ռեժիմի կողմից Եմենի համակողմանի շրջափակմանը, Եմենի բանակի ու ժողովրդական կոմիտեների հզորությունն ամեն օր ավելի է մեծանում: