Թուրքիայի բանակն Իրաքում ռազմակայան է հիմնել
Մարտ 25, 2018 12:15 Asia/Tehran
«Ջոմհուրիյեթ» օրաթերթի հաղորդմամբ, Թուրքիայի բանակն անցնելով Իրաքի սահմանը, Զափի և Կանիմասիի լեռները, այդ տարածքում զորակայան է կառուցել:
ՔԲԿ-ի դեմ պայքարելու նպատակով, Թուրքիայի բանակն անցել է Իրաքի սահմանը և լեռնային գոտում ռազմաբազա է հիմնել:
Անկարան այդ քայլին գնացել է քրդերի մուտքը Թուրքիայի տարածք կանխելու նպատակով: Թուրքիայի բանակային ուժերը շարժվելու են Սենջարի ուղղությամբ: Թուրքիայի մեծ թվով հատուկ ծառայության ուժեր են մտել Իրաքի տարածք, որտեղ հիմնվել է ռազմակայանը:
Թուրքիան հայտարարել է, որ նպատակ ունի վերահսկել Զափի և Կուկուզերի տարածքները և բուֆերային գոտի ստեղծել ՝ ՔԲԿ-ի ուժերի ներթափանցումն իր տարածք կանխելու համար:
