ԱՄՆ պետքարտուղարը կրկնեց հրթիռների վերաբերյալ հակաիրանական հայտարարությոևնը
ԱՄՆ պետքարտուղարը, կրկնելով Իրանի հրթիռային ծրագրի դեմ ուղղված մեղադրանքները, հաստատեց, որ ՀԳՀԾ-ի հարցով եվրոպական երկրները տարաձայնություն ունեն Վաշինգտոնի հետ:
Մայք Պոմպեոն, չորեքշաբթի օրը թիվ 2231 բանաձևի գործադրման կապակցությամբ ՄԱԿ-ի գլխավոր քարտուղարի զեկույցի քննարկման համար հրավիրված ԱԽ-ի նիստից հետո լրագրողների հետ ճեպազրույցում հայտարարեց. «Այս նիստում ԱՄՆ-ն պարզեց, որ Իրանի բալիստիկ հրթիռների հետ կապված ակտիվությունն անվերահսկելի է դարձել»:
ԱՄՆ պետքարտուղարը նշեց, որ Իրանը տարբեր պատրվակներով հրաժարվում է գործադրել ԱԽ-ի տարբեր բանաձևերը: Նրա ասելով. «Իրանի հրթիռային փորձարկումներին պետք է վերջ տրվի»:
«ԱՄՆ-ն, ԱԽ-ի բոլոր անդամների համագործակցությամբ, ցանկանում է ՄԱԿ-ում առավել խիստ սահմանափակություններ գործադրել Իրանի բալիստիկ հրթիռների համար»,-հայտարարեց Մայք Պոմպեոն:
ԱՄՆ պետքարտուղարը նաև հավելեց, որ ՀԳՀԾ-ն չի կարողացել դադարեցնել «Ասիայի արևմտյան տարածաշրջանում Իրանի ավերիչ քաղաքականությունը»:
