Amnesty International կազմակերպությունը Արևմուտքից պահանջել է դադարեցնել զենքի վաճառքը Ռիադին
Amnesty International միջազգային իրավապաշտպան կազմակերպությունը Արևմուտքից պահանջել է անհապաղ դադարեցնել զենքի վաճառքը Սաուդյան Արաբիային և ԱՄԷ-ին:
Երկուշաբթի օրը, Amnesty International կազմակերպությունը հայտարարել է, որ արևմտյան պետությունները շարունակում են զենք վաճառել Սաուդյան Արաբիային և ԱՄԷ-ին, դա այն դեպքում, երբ բազում ապացույցներ կան, թե այդ զենքերն օգտագործվում են Եմենի դեմ սաուդյան կոալիցիայի ռազմական ոճրագործություններում:
Amnesty International միջազգային իրավապաշտպան կազմակերպությունը հայտարարել է, որ արևմտյան պետությունների զենքերի վաճառքից գոյացած շահի փոխարեն, պետք է առաջնահերթություն համարեն մարդու իրավունքները, միլիոնավոր եմենցի խաղաղ բնակիչների կյանքը և իրենց օրինական պարտավորությունները:
Միջազգային կառույցի հայտարարության համաձայն, եմենի դեմ սաուդյան կոալիցիայի հարձակումների չորրորդ տարելիցին, եմենցիներն այլևս չեն կարողանում հանդուրժել այդ հարձակումների աղետալի հետևանքները:
Արևմուտքի հովանավորությամբ, Եմենում Սաուդյան Արաբիայի և նրա դաշնակիցների հարձակումների հետևանքով զոհվել են ավելի քան 16 հազար եմենցիներ, տասնյակ հազարավոր մարդիկ վիրավորվել և միլիոնավոր ուրիշներ հայտնվել են փախստականի կարգավիճակում:
