ՄԱԿ-ի հատուկ զեկուցող. Իրանցի միջուկային գիտնականի սպանությունը ՄԱԿ-ի կանոնադրության խախտում է
Նոյեմբերի 27-ին, իրանցի միջուկային գիտնական Մոհսեն Ֆախրիզադեի սպանության մասին լուրը հրապարակելուց ժամեր անց, ՄԱԿ-ի հատուկ զեկուցող Ագնես Քալամարդն իր պաշտոնական թվիթերյան օգտահաշվում այս վախկոտ արարքը որակել է որպես «դիտավորյալ սպանություն»:
«Խաղաղ պայմաններում մարդուն կյանքի իրավունքից զրկելը ՄԱԿ-ի Կանոնադրության ակնհայտ խախտում է», - գրել է նա:
Քալամարդը հավելել է, որ կառավարությունները, որոնք չեն կարողանում հակամարտությունները խաղաղ ճանապարհով լուծելու համար օգտագործել բանական լուծումներ, չեն կատարում նաև մարդու իրավունքների պաշտպանության ոլորտում իրենց պարտավորությունները:
Ուրբաթ երեկոյան Թեհրանի նահանգի Դամավանդ թաղամասում տեղի ունեցած ահաբեկչության արդյունքում, սպանվեց միջուկային գիտնական Մոհսեն Ֆախրիզադեն:
Ավելի վաղ Իսրայելի վարչապետ Բենյամին Նեթանյահուն Իրանին մեղադրելով միջուկային զենք ձեռք բերելու մեջ, նշել էր Մոհսեն Ֆախրիզադեի անունը:
Աշխարհի մի քանի երկրներ դատապարտել են իրանցի միջուկային գիտնական Մոհսեն Ֆախրիզադեի սպանությունը:
