ԵՄ ղեկավարները համաձայն են նոր պատժամիջոցներ կիրառել Թուրքիայի դեմ
ԵՄ ղեկավարներն այսօր առավոտյան կայացած հանդիպմանը պայմանավորվել են ավելի շատ պատժամիջոցներ կիրառել Թուրքիայի դեմ:
Եվրոպական դիվանագիտական աղբյուրները նշում են, որ Անկարայի դեմ ԵՄ պատժամիջոցների կիրառումը պայմանավորված է Միջերկրական ծովի արևելքում Թուրքիայի հորատման գործողություններով:
Դեկտեմբերի 10-ին Բրյուսելում մեկնարկել է Բրեքսիթի, կորոնավիրուսի ճգնաժամի և Թուրքիայի հետ հարաբերությունների թեմայով ԵՄ երկօրյա գագաթնաժողովը:
Թուրքիան, որը Արևելյան Միջերկրական ծովում գազային ռեսուրսների շուրջ Անկարայի և Աթենքի միջև լարվածության սրումից հետո հոկտեմբերի սկզբին տարածաշրջանից հետ էր կանչել իր Uroch Rais հետախուզական նավը, հայտարարել է, որ կվերսկսի հորատման աշխատանքները: Այս քայլը կառաջացնի նոր լարվածություն և կհանգեցնի ԵՄ-իպատժամիջոցների խստացմանը:
ԵՄ-ն նաև դժգոհ է Լիբիայի և Սիրիայի պատերազմներում Անկարայի դերակատարությունից և Ռուսաստանի հետ հարաբերություններից:
