Բորել. Բավարար մակարդակի հասնելու համար, ԵՄ-ՌԴ հարաբերությունները երկար ճանապարհ ունեն անցնելու
ԵՄ արտաքին քաղաքականության հանձնակատար Ջոզեֆ Բորելը, Մոսկվա կատարած այցի ավարտին նշելով, որ ԵՄ-Մոսկվա հարաբերությունները ցանկալի մակարդակին հասնելու համար երկար ճանապարհ ունեն անցնելու, հավելել է, որ չնայած առկա լարվածությանը, կողմերը պետք է բաց թողնեն դիվանագիտության ուղիները:
Թասնիմ լրատվական գործակալության հաղորդման համաձայն, խոսելով Մոսկվա կատարած իր այցի արդյունքների մասին, Բորելը հայտարարել է. «Կողմերի (ԵՄ-Մոսկվա) միջև դիվանագիտական ուղիները պետք է բաց մնան ոչ միայն ճգնաժամի կամ աղետի ժամանակ լարվածությունը թուլացնելու, այլ նաև ուղղակի շփումների, հստակ հաղորդագրությունների փոխանակման համար, հատկապես այս պայմաններում, երբ հարաբերությունները հեռու են բավարար մակարդակից»:
Եվրոպական երկրների աջակցությունը ռուս ընդդիմադիր գործիչ Ալեքսեյ Նավալնիի կողմնակիցներին և անգամ որոշ եվրոպացի դիվանագետների ներկայությունը ՌԴ-ում տեղի ունեցած հակակառավարական բողոքի ցույցերին, արժանացել են Մոսկվայի կտրուկ քննադատությանը և դարձել կողմերի միջև լարվածության սրման պատճառ:
Ուրբաթ օրը, ՌԴ ԱԳ նախարարությունը, երեք եվրոպացի դիվանագետների «անցանկալի անձ» է հայտարարել և արտաքսել այդ երկրից՝ հակակառավարական ցույցերին մասնակցելու համար:
