Պիտեր Ստանո. ՀԳՀԾ-ն վերականգնելուն ուղղված դիվանագիտությունը գտնվում է ամենաբարձր մակարդակի վրա
Եվրամիության արտաքին քաղաքականության հանձնակատարի խոսնակն ասել է.«Միջուկային համաձայնագրի վերականգնմանն ուղղված դիվանագիտությունը գտնվում է ամենաբարձր մակարդակում»:
Եվրամիության արտաքին քաղաքականության հանձնակատարի խոսնակ Պիտեր Ստանոն Բրյուսելում կայացած մամուլի ասուլիսում հայտարարել է.«ՀԳՀԾ-ի անդամ երկրների միջև տարբեր մակարդակներում շարունակվում են դիվանագիտական ջանքերը,սակայն ներկա պայմաններում հնարավոր չէ մանրամասներ ներկայացնել»:
ՀԳՀԾ-ի անդամ երկրների ներկայացուցիչներն անցած երեք շաբաթների ընթացքում ի մի են եկել Վիեննայում՝ խորհրդակցելու ՀԳՀԾ-ն ակտիվացնելու և այս միջուկային գործարքին ԱՄՆ-ի հավանական վերադառնալու շուրջ:
ՀԳՀԾ-ի համատեղ հանձնաժողովի նիստերի նոր փուլը սկսվել է երեքշաբթի օրը, Գրանդ հյուրանոցում՝ Իրանի և 4+1 խմբի պատվիրակությունների մասնակցությամբ:
Իրանի Իսլամական Հանրապետությունն ընդգծում է, որ այն ժամանակ կվերադառնա իր պարտավորություններին, երբ ԱՄՆ-ը գործնականում և ոչ թե բանավոր կամ թղթի վրա կվերացնի բոլոր պատժամիջոցները, և որ պատժամիջոցների վերացումը կստուգվի Իրանի կողմից:
