Էրդողանը կարևորել է Թուրքիայի ռազմական առաջընթացը
Ստամբուլում կայացած պաշտպանական արդյունաբերության 15 -րդ միջազգային ցուցահանդեսի բացման արարողության ժամանակ, Թուրքիայի նախագահը կարևորել է ռազմական արդյունաբերության ոլորտում Թուրքիայի առաջընթացը:
Ռեջեբ Թայիբ Էրդողանն ասել է.«Մեզ համար ուրախալի կլինի պաշտպանական արդյունաբերության ոլորտում Թուրքիայի հնարավորություններն ու կարողությունները կիսել մեր ընկերների հետ»:
Թուրքիայի նախագահը նաև հայտարարել է, որ որպես Հյուսիսատլանտյան դաշինքի անդամ (ՆԱՏՕ), համոզված է, որ զարգացնելով ռազմական արդյունաբերությունը, կնպաստեն համաշխարհային խաղաղությանը:
Էրդողանն ասել է, որ վերջին 19 տարիների ընթացքում Թուրքիան, ինչպես շատ ոլորտներում, պաշտպանական արդյունաբերության ոլորտում ևս հեղափոխություն է իրականացրել և կարևոր ծրագրեր ունի ծովային, օդային և ցամաքային խելամիտ սարքավորումների ոլորտում: «Թուրքիան ներդրում է կատարել ոչ միայն այսօրվա , այլև ապագա կարիքների ապահովման համար»,- հավելել է Էրդողանը:
«Մենք երբեք չենք եղել այն երկրներից, որոնք իրենց սահմաններից հազարավոր կիլոմետրեր հեռավորության վրա ահաբեկչության դեմ պայքարի պատրվակով ռմբակոծել են խաղաղ բնակիչներին ու ճնշված մարդկանց»,ասել է Թուրքիայի նախագահը:
