Հունվարի 31-ն Իրաքից ամերիկյան զորքերի դուրս գալու վերջնաժամկետն է
Իրաքի բանակի համատեղ գործողությունների հրամանատարությունը հայտարարել է այդ երկրից ամերիկյան զորքերի դուրս գալու վերջնաժամկետը:
Իրաքի բանակի միացյալ գործողությունների հրամանատարության խոսնակ Թահսին ալ-Խաֆաջին ասել է, որ երկու երկրների միջև ռազմավարական երկխոսության արդյունքների հիման վրա, Իրաք-ԱՄՆ համատեղ կոմիտեն հունվարի 31-ը հայտարարել է որպես Իրաքում ամերիկյան զորքերի ներկայության վերջնաժամկետ:
Նա հավելել է. «Այս համաձայնությունից հետո մեծ թվով ամերիկյան զորքեր սկսել են դուրս գալ Իրաքից»:
Իրաքի բանակի միացյալ գործողությունների հրամանատարության խոսնակն ասել է, որ ամերիկացիներն Իրաքում ոչ մի զորանոց կամ ռազմաբազա չունեն, բացառությամբ Այն ալ-Ասադի բազայի մի փոքր մասի, որը ներկայումս ղեկավարում է իրաքյան բանակը, ինչպես նաև «Հարիրի» բազան, որի մեծ մասը վերահսկվում է Իրաքյան Քուրդիստանի փեշմերգա ուժերի կողմից:
Իրաքի վարչապետ Մուստաֆա ալ-Քազեմին վերջերս ԱՄՆ կատարած այցի ժամանակ ընդգծեց, որ մինչև ընթացիկ տարվա դեկտեմբերի 31--ն ամերիկյան զորուժը պետք է դուսր գա Իրաքից:
Իրաքի խորհրդարանն ընդունել է բանաձև, որը կոչ է անում ամերիկյան զորքերը դուրս բերել Իրաքից:
