Ռուսաստանը չի վստահում ՆԱՏՕ-ին
Ռուսաստանի արտաքին գործերի փոխնախարարը հայտարարել է.«8 ռուս դիվանագետների Հյուսիսատլանտյան դաշինքի կազմակերպությունից արտաքսելու կապակցությամբ ՆԱՏՕ-ի կայացրած որոշման հետևանքով Մոսկվան այլևս չի վստահում ՆԱՏՕ-ի անկեղծությանը»:
Ռուսաստանի արտաքին գործերի փոխնախարար Ալեքսանդր Գրուշկոն ասել է.«Եթե նախկինում ինչ-որ մեկը հավատում էր ՆԱՏՕ-ի հայտարարությունների անկեղծությանը, ապա այսօր այդպիսիք չկան»:
Նա ընդգծել է.«ՆԱՏՕ-ի հրամանատարները չորեքշաբթի օրը խոսել են Ռուսաստանի հետ հարաբերություններում առկա լարվածությունը թուլացնելու մասին և հայտարարել են ,որ ցանկանում են վերսկսել բանակցությունները ՆԱՏՕ-Ռուսաստան խորհրդի շրջանակում և դեսպան գործուղել Բրյուսել»:
ՆԱՏՕ-ն չորեքշաբթի օրը հայտնել է 8 ռուս դիվանագետների այդ կազմակերպությունից արտաքսելու մասին: Կազմակերպությունը նրանց մեղադրել է լրտեսական և չարամետ գործունեության մեջ:
ՆԱՏՕ-ն որոշում է կայացրել այդ կազմակերպությունում Ռուսաստանի առաքելությունը կիսով չափ կրճատել ռուսական պատվիրակության թիվը հասցնելով 10-ի:
ՆԱՏՕ-ն այն դեպքում է ռուս դիվանագետներին լրտեսության մեղադրանքով վտարում, երբ Արևմուտքում Ռուսաստանի դեմ հնչող մեղադրանքների ալիք է բարձրացել:
