ԵԱՏՄ երկրները հաստատել են նախքան 2025 թվականն արդյունաբերական համագործակցության ճանապարհային քարտեզը
Ուրբաթ ՌԴ փոխվարչապետ Ալեքսեյ Օվերչուկը մասնակցել է Եվրասիական տնտեսական միության նիստին, որի ժամանակ հաստատվել է մինչեւ 2025 թվականը արդյունաբերության ոլորտում անդամ երկրների համագործակցության հիմնական ուղղությունների իրացման ճանապարհային քարտեզը:
Այդ մասին շաբաթ հայտարարվել է ՌԴ կառավարության կայքում, հաղորդում է ՏԱՍՍ-ը:
«Նիստի մասնակիցները հաստատել են մինչեւ 2025 թվականը ԵԱՏՄ-ում արդյունաբերական համագործակցության հիմնական ուղղությունների իրացման ճանապարհային քարտեզը: Փաստաթուղթը ներառում է Եվրասիական միջկառավարական խորհրդի կողմից 2021 թվականի ապրիլին որոշված բոլոր վեց ուղղություններով համապատասխան միջոցառումների ցանկը»,-ասվում է հաղորդագրության մեջ:
Կողմերը նաեւ քննարկել են բժշկական պարագաների շրջանառության եւ էլեկտրոնային ձեւաչափով ծառայություններ մատուցելու դեպքում հարկման հարցերը: Հաստատվել է համապատասխանության պարտադիր գնահատման ենթակա ապրանքների ներկրման թարմացված կարգը:
ԵԱՏՄ խորհրդի նիստը կայացել է տեսակապի միջոցով: Ինչպես հաղորդվում է կառավարության կայքում, հաջորդ նիստը կկայանա Մոսկվայում դեկտեմբերի 3-ին:
news.am
