Ադրբեջանի բանակը արդիականացվում է Թուրքիայի օգնությամբ
Թուրքիան աջակցում է Ադրբեջանի բանակի կարողությունների արդիականացմանն ու մեծացմանը։
Ըստ Caucasus Facts News գործակալության՝ Թուրքիայի պաշտպանության նախարար Հուլուսի Աքարը խորհրդարանում ասել է. «Թուրքիայի և Ադրբեջանի զինված ուժերն առաջիկայում կընդլայնեն համագործակցությունը»։
Թուրքիայի պաշտպանության նախարարը նշել է, որ Բաքուն և Անկարան ծրագրում են առաջիկա շաբաթների ընթացքում համատեղ զորավարժություններ անցկացնել։
Վերջին շրջանում Թուրքիայի և Ադրբեջանի բանակները բազմաթիվ զորավարժություններ են անցկացրել՝ զինված ուժերը պատրաստ վիճակում պահելու նպատակով:
ԼՂ երկրորդ պատերազմում, բացի հետախուզական օգնությունից, Թուրքիան նաև համապատասխան օդային ծածկույթ է տրամադրել Ադրբեջանի ուժերին Հայաստանի դեմ մարտերի ժամանակ: Բացի այդ, Թուրքիան Ադրբեջանինէ տրամադրել «Բայրաքթար» անօդաչու թռչող սարքերը: