Ռուսաստանից ԵԱՏՄ երկրներ հացահատիկի արտահանման արգելքը հանվել է
Ապրիլ 02, 2022 17:11 Asia/Tehran
Ռուսաստանը հանել է ԵԱՏՄ երկրներ հացահատիկի արտահանման արգելքը:
Fars News գործակալության հաղորդման համաձայն՝ Ղրղզստանում Ռուսաստանի դեսպանությունը շաբաթ օրը հայտարարել է, «ՌԴ կառավարությունը հանել է ԵԱՏՄ երկրներ, այդ թվում Ղրղզստան, հացահատիկային ապրանքների՝ ցորենի, տարեկանի, գարու, ինչպես նաև եգիպտացորենի սերմացուի արտահանման արգելքը: Դրանց արտահանումը ԵԱՏՄ երկրներ հնարավոր է գյուղատնտեսության նախարարության կողմից տրված թույլտվությամբ»:
Ղրղզստանի էկոնոմիկայի նախարարությունը հայտարարել է, որ Ռուսաստանը Ղրղզստանին հացահատիկի գնման համար քվոտա է հատկացնելու։
Նշենք, որ Ռուսաստանը մարտի 11-ին էր հայտարարել հացահատիկային մշակաբույսերի արտահանումը ԵԱՏՄ երկրներ, այդ թվում՝ Ղրղզստան ժամանակավորապես արգելման մասին: