Էմանուել Մակրոնի հետ այսօր կեսօրին կրկին կհանդիպենք Իլհամ Ալիևին և Նիկոլ Փաշինյանին. Շառլ Միշել
Հոկտեմբեր 06, 2022 17:26 Asia/Tehran
Եվրախորհրդի ղեկավար Շառլ Միշելը Twitter-ի իր էջում գրառում է կատարել՝ նշելով, որ Նյու Յորքում ՀՀ վարչապետ Նիկոլ Փաշինյանի հետ հանդիպումից հետո այսօր Պրահայում հանդիպել է Ադրբեջանի նախագահ Իլհամ Ալիևի հետ։
«Նյու Յորքում Նիկոլ Փաշինյանի հետ հանդիպումից հետո այսօր Պրահայում հանդիպեցի Ադրբեջանի նախագահ Իլհամ Ալիևի հետ: Այսօր կեսօրին Էմանուել Մակրոնի հետ մենք կրկին կհանդիպենք Ադրբեջանի նախագահի և Հայաստանի վարչապետի հետ՝ քննարկելու համար Հայաստանի և Ադրբեջանի միջև հարաբերությունները և տարածաշրջանում կայուն խաղաղության առաջընթացը»,- հայտնել է Եվրախորհրդի ղեկավար Շառլ Միշելը: