Կրեմլը ծայրահեղ է որակել Արևմուտքի արձագանքը Բելառուսում ռուսական միջուկային զենքի տեղակայմանը
Չափազանց ու ծայրահեղ որակելով Արևմուտքի արձագանքը Բելառուսում մարտավարական միջուկային զենքի պահեստ ստեղծելու Մոսկվայի ծրագրին, ՌԴ նախագահի մամուլի խոսնակն ասել է,-«Այդ արձագանքներն այն դեպքում են,երբ նրանք մոռանում են Եվրոպայում ամերիկյան միջուկային զենքի առկայության մասին»։
Sputnik լրատվական գործակալության փոխանցմամբ՝ Դմիտրի Պեսկովն ընդգծելով, որ Մոսկվայի և Մինսկի համատեղ որոշումը Բելառուսում մարտավարական միջուկային զենքի պահեստի կառուցման վերաբերյալ չի խախտի միջուկային զենքի չտարածման վերաբերյալ Ռուսաստանի պարտավորությունները, ասել է,-«Ակնկալվում է,որ Բելառուսում ռուսական մարտավարական միջուկային զենքի պահեստի շինարարությունը կավարտվի մինչև հուլիսի 1-ը»։
Ռուսական միջուկային զենքի տեղակայումը Բելառուսում պատասխան քայլ է՝ ԱՄՆ-ի միջուկային զենքերը ՆԱՏՕ-ի անդամ եվրոպական երկրներում տեղակայելուն:
Ավելի վաղ Ռուսաստանի նախագահ Վլադիմիր Պուտինը մարտի 25-ին, հայտարարեց ,որ ի պատասխան արևմտյան ռազմական գործողությունների սրմանը և ուկրաինական բանակին ցուցաբերվող աջակցության աճին, Մոսկվան իր տակտիկական միջուկային զենքի մի մասը կտեղակայի Բելառուսում։
Ալեքսանդր Լուկաշենկոն և Բելառուսի մյուս պաշտոնյաներ, աջակցելով Բելառուսում ռուսական մարտավարական միջուկային զենքի տեղակայմանը, հայտարարեցին, որ այդ զենքերը Բելառուսը կպաշտպանեն Արևմուտքի սպառնալիքներից։
