Շվեյցարիայում ամեն վեց հոգուց մեկը ենթարկվում է ռասայական խտրականության
Վերջին տարիներին Շվեյցարիայում աճել են ռասայական խտրականության դեպքերը։ Եվ առաջին անգամ, հաղորդումների մեծ մասը վերաբերվել է ոչ թե աշխատավայրերում այլ դպրոցներում տեղի ունեցած միջադեպերին։
Միջադեպերից մեկի ժամանակ 11-ամյա աշակերտին վիրավորել են ռասայական պատկանելիության պատճառով։
Մեկ ուրիշ դեպքում սևամորթ դասընկերները սևամորթ աշակերտին փակել են սարքավորումների սենյակում և վիրավորում են։ Մեկ այլ դեպքում ոստիկանությունն առանց հիմքի սպանում է քաղաքացուն։
Սրանք ռասիզմի վերաբերյալ զեկույցում նշված դեպքերի ընդամենը մի մասն են։ Զեկույցը հրապարակել է Ռասիզմի դեմ պայքարի դաշնային հանձնաժողովը, Մարդու իրավունքների կազմակերպության և Շվեյցարիայի Ռասիզմի խորհրդատվական ցանցի հետ համագործակցությամբ:
2023 թվականին գրանցվել է ռասիզմի 876 դեպք։ Այս ցուցանիշը 24 տոկոսով գերազանցում է 2022 թվականի տվյալները։
Կրթության ոլորտում միջադեպերի մեծ մասը կապված է սևամորթ աշակերտների հետ։
Հարցումներից մեկի տվյալներով՝ Շվեյցարիայում ապրող յուրաքանչյուր վեցերորդ անձը վերջին հինգ տարում ենթարկվել է ռասայական խտրականության։
Ռասիզմի դեմ պայքարի հանձնաժողովի կողմից իրականացված մոնիտորինգի ժամանակ մարդկանց 17%-ը, այսինքն՝ 1,2 միլիոն մարդ, ասել է, որ զգացել է, որ իր նկատմամբ կիրառվում է ռասիստական խտրականություն։
Ըստ այս հաղորդման՝ ռասայական խտրականության զոհերի մեծ մասը 15-ից 39 տարեկան են։ Ռասայական խտրականությունն առկա է կյանքի բոլոր ոլորտներում: Հարցվածների մոտ 69 տոկոսը նշել է, որ իրենց առօրյա աշխատանքային կյանքում կամ աշխատանք փնտրելիս ենթարկվել են խտրականության։
Նշվում է, որ հասարակական վայրերի 30 և դպրոցների և 27%-ը խտրականության կիրառման վայրեր են:
Ավելի վաղ ՄԱԿ-ի աշխատանքային խումբը հայտարարել էր, որ Շվեյցարիայում սևամորթները նույնպես ռասայական խտրականության են ենթարկվում ոստիկանության կողմից։
Խումբը մտահոգություն էր հայտնել Շվեյցարիայում ռասայական խտրականության աճի և աֆրիկյան ծագում ունեցող մարդկանց մարդու իրավունքների վիճակի կապակցությամբ։
59 կետից բաղկացած փաստաթուղթը ուրվագծում է երկրում սևամորթների առջև ծառացած տարբեր խնդիրներ, ներառյալ «վերջին տասնամյակների ընթացքում դաժան վերաբերմունքի կիրառման համար ոստիկանության անպատժելիությունը»:
