Հավատարիմ ենք մնում անհետ կորածների ճակատագիրը պարզելու գործին․ ԿԽՄԿ
Օգոստոս 30, 2024 12:42 Asia/Tehran
Այսօր՝ օգոստոսի 30-ին, նշվում է Անհետ կորածների միջազգային օրը։
Անհետ կորած անձանց խնդիրը շարունակում է մնալ զինված ընդհարումների, բռնության այլ իրավիճակների, աղետների կամ միգրացիայի ամենակործանարար ու երկարատև մարդասիրական հետևանքներից մեկը։
Ամեն տարի այս օրը ևս մեկ հնարավորություն է զորակցություն հայտնել անհետ կորածների ընտանիքներին։ Կարևոր է, որ այս ընտանիքներն իմանան, որ նրանք միայնակ չեն, որ նրանց հարազատները չեն մոռացվել, և որ մենք կշարունակենք անել հնարավորը, որպեսզի օգնենք նրանց ստանալ անհրաժեշտ պատասխաններն ու աջակցությունը: