Ռոհանին և Պուտինը կարևորել են Իրան-Ռուսաստան հարաբերությունների ընդլայնումը
Իր ռուս պաշտոնակցի հետ հանդիպման ժամանակ, ԻԻՀ նախագահ Հասան Ռոհանին ասել է.«Իրանի և Ռուսաստանի նպատակը տարածաշրջանում խաղաղության ու կայունության ամրապնդումն է»:
Մարտի 28-ին ՌԴ նախագահ Վլադիմիր Պուտինի հետ Մոսկվայում ունեցած հանդիպման ժամանակ, ԻԻՀ նախագահը նշել է.«Թեհրան-Մոսկվա համագործակցությունն ուղղված չէ որևէ երրորդ երկրի դեմ »:
Անդրադառնալով վերջին տարիներին Իրան-Ռուսաստան համագործակցության ընդլայնվող գործընթացին, նախագահ Ռոհանին ասել է.«Թեհրանը և Մոսկվան լավ փորձ ունեն միջազգային ահաբեկչության ու թմրաբզինեսի դեմ պայքարում»:
Հանդիպման ժամանակ նշելով, որ Իրանը Ռուսաստանի կայուն ու վստահելի գործընկերն է, ՌԴ նախագահ՝ Վլադիմիր Պուտինն ասել է.«Ռուսաստանը և Իրանը երկար տարիներ հարաբերություն են ունեցել միմյանց հետ և կարելի է ասել, որ երկու երկրները ավելի քան 500-ամյա դիվանագիտական հարաբերություն ունեն»:
«Մոսկվան և Թեհրանը համագործակցում են բոլոր ոլորտներում, այդ թվում` միջազգային հարցերի կարգավորման և տնտեսական ոլորտներում», ընդգծել է Պուտինը: