ԱՄՆ-ի և ՌԴ-ի հրթիռային առճակատումը Բալկաններում
ԱՄՆ պաշտպանության նախարարը մտահոգություն է հայտնել Բալկանյան երկրների սահմանների մոտ Ռուսաստանի ռազմական գործունեության կապակցությամբ:
Associated Press լրատվական գործակալության հաղորդման համաձայն՝ ԱՄՆ պաշտպանության նախարար Ջեյմս Մատիսը այցելել է Լիտվա: Այդ երկրի նախագահ Դալյա Գրիբաուսկայտեի հետ հանդիպման ժամանակ Մատիսն ասել է.«Բալկանյան երկրների սահմանների մոտ Ռուսաստանի ցանկացած ռազմական քայլը, ինչպես Իսկանդեր հրթիռային համակարգերի տեղակայումը, կարող է ապակայունացնել այդ տարածաշրջանը»:
Մատիսն այն դեպքում է նման հայտարարություն արել, երբ ԱՄՆ պաշտպանական ոլորտի պաշտոնյաները տեղեկացրել են. որ այդ երկիրը որոշել է առաջիկա ամռանը Բալկանյան տարածաշրջանում զենիթահրթիռային Patriot համակարգեր տեղակայել զորավարժություններ անցկացնելու համար:
Իսկ Ռուսաստանը Կալինինգրադում «Իսկանդեր» հրթիռային համակարգեր է տեղակայել և հայտարարել է, որ դա ՌԴ Զինված ուժերի զորավարժության մի մասն է կազմում: Սակայն ամերիկացի պաշտոնյաներն ասում են, թե այդ գործընթացը կբարձրացնի Ռուսաստանի հրթիռային կարողության մակարդակը տարածաշրջանում:
