Հյուսիսային Կորեան բալիստիկ հրթիռ արձակեց
Հարավային Կորեայի բանակի միացյալ շտաբը հայտարարել է, որ Հյուսիսային Կորեան երկուշաբթի առավոտյան Վունսան քաղաքից բալիստիկ հրթիռ է արձակել:
«Ֆրանս Պրես»-ի հաղորդման համաձայն, Փխենյանի այդ քայլը քննարկելու համար, Հարավային Կորեայի նախագահ Մուն Ջաե-ինն այդ երկրի ազգային անվտանգության խորհրդի արտահերթ նիստ է հրավիրել:
Հյուսիսային Կորեան նախորդ օրը հակաօդային պաշտպանության նոր համակարգ փորձարկեց, որի իրականացման գործընթացհ ինչպես նշվել է, վերահսկել է այդ երկրի առաջնորդ Կիմ Ջունգ Ունը:
Հյուսիսային Կորեայի դեմ ԱՄՆ-ի ու ՄԱԿ-ի ԱԽ-ի պատժամիջոցները Հյուսիսային Կորեայի միջուկային ու հրթիռային ձգտումները սանձելու կապակցությամբ ազդեցիկ չեն եղել:
Վաշինգտոնը պահանջում է Հյուսիսային Կորեայի ռազմական ու միջուկային փորձարկումների դադարեցումը: Դա ի տես այն բանի, որ Փխենյանը բազմիցս հայտարարել է, թե քանի դեռ ԱՄՆ-ն ու նրա դաշնակիցները կշարունակեն Հյուսիսային Կորեայի դեմ սպառնալիքներն, այդ երկիրն իր հերթին կշարունակի իր ռազմական հզորության ընդլայնումը:
