Մյանմայում հրդեհել են ռոհինգյա մուսուլմանների գյուղերը
Ծայրահեղական բուդդիստներն ու զինվորականները հարձակվել են Մյանմայի Ռախին նահանգի վրա և հրդեհել են մուսուլմանաբնակ գյուղերը: Այդ վայրագություններին զուգահեռ շարունակվում է տեղահանված մարդկանց փախուստը դեպի Բանգլադեշի սահմանամերձ շրջաններ: Այս մասին հայտնում է «Ֆրանս Պրես» լրատվական գործակալությունը:
Ականատեսների փոխանցմամբ՝ չորեքշաբթի օրը Մյանմայի բանակայինները բռնություն գործադրելով ռոհինգյա մուսուլմանների նկատմամբ , հրդեհել են Ռախին նահանգի երեք գյուղ:
Վերջերս Մյանմայի մուսուլմանների դեմ բռնությունները սաստկացել են: Այդ բռնությունների հետևանքով առ այսօր զոհվել է 110 մարդ և հազարավոր մարդիկ լքել են իրենց տները:
Ռոհինգյա փախստականները հավաքվել են Բանգլադեշի հետ սահմանային զրո կետում: Ռախին նահանգում գտնվող գյուղերում բնակիչները շարունակում են լքել իրենց տները:
Ռոհինգյա գյուղացիներն իրենց կյանքը փրկելու համար են լքում այդ տարածքը: