Լավրով.«ԱՄՆ-ի նպատակը Սիրիայում ահաբեկիչների ներկայությունը պահպանելն է»
ՌԴ արտգործնախարարի կարծիքով, ԱՄՆ-ն ձգտում է Սիրիայում ահաբեկիչների ներկայության շարունակմանը:
«Ալ-Մայադին» հեռուստաընկերության հաղորդման համաձայն` ուրբաթ օրը, Սերգեյ Լավրովն ասել է.«ԱՄՆ-ն չի կարող դերակատար լինել Սիրիայի ճգնաժամի կարգավորման հարցում»:
«ԱՄՆ-ը հովանավորում է ահաբեկիչներին՝ Սիրիայում իշխող օրինական ու ժողովրդական քաղաքական համակարգին ընդդիմանալու նպատակով»,-ասել է Լավրովը:
Նա հավաստիացրել է, որ ԱՄՆ-ի նախկին նախագահ՝ Բարաք Օբամայի կառավարությունը և գործող կառավարությունը խափանում են Սիրիայի ճգնաժամի կարգավորման խաղաղ բանակցությունների գործընթացը:
ՌԴ արտգործնախարարը նշել է, որ իր երկիրը շարունակելու է իր տարածաշրջանային ջանքերը` Սիրիայի ճգնաժամի կարգավորման ուղղությամբ:
Ուրբաթ օրը հրապարակված հոդվածում, ՌԴ նախագահ Վլադիմիր Պուտինը գրել է, որ նախադրյալները պատրաստ են Սիրիայի ճգնաժամի քաղաքական կարգավորման գործընթացի մեկնարկի և կյանքը նորմալ հունի վերադարձնելու համար:
Պուտինը նշել է, որ Սիրիայում և այլ երկրներում պետք է շարունակվի ահաբեկիչների դեմ պայքարը:
