Մյանմայում բռնարարքների նոր ալիք է ծավալվում
Մյանմայի Ռախին նահանգում երկու շաբաթ շարունակվող բռնարարքներից հետո, որի հետևանքով տարհանվել ենհարյուր հազարավոր ռոհինգյա մուսուլմաններ, այդ տարածքում լարվածությունները սրվում են:
«Ռոյտերզ»-ի հաղորդման համաձայն, Մյանմայի Ռախին նահանգում մուսուլմանների դեմ պետական ուժերի բռնարարքները շարունակվում են: Պետական ուժերը ներխուժել են այդ նահանգում գտնվող մի մզկիթ, մասամբ հրդեհել այն և ծեծի ենթարկել աղոթարարներին:
Մուսուլմանների մզկիթների և բնակավայրերի վրա հարձակվելով Մյանմայի իշխանությունները նրանց դեմ բռնարարքների նոր ալիք են ծավալել:
Համաձայն ստացված հաղորդումների, Մյանմայի մուսուլմանների բնակության վայրերի դեմ բանակի հարձակումներն այդ երկրի հյուսիս-արևմուտքում բռնարարքների նոր ալիք ծավալվելու և մուսուլմանների տարհանման պատճառ են դարձել:
Իրավապաշտպան խմբերն ու դիտորդները հավատացած են, որ բանակն ու բուդդիստները նպատակ ունեն ոչնչացնել Մյանմայի ռոհինգյա մուսուլմաններին, որոնց թիվը հասնում է մեկ միլիոն 100 հազար հոգու:
Մուսուլմանների և Մյանմայի զինվորական ուժերի միջև զինված բախումներ սկսվելուց ի վեր այդ երկրից փախել են շուրջ 300 հազար ռոհինգյա մուսուլմաններ:
Միջազգային համաներում իրավապաշտպան կազմակերպությունը հայտարարել է, որ իր տրամադրության տակ ունի փաստեր, որոնց համաձայն Մյանմայի պետական անվտանգության ուժերը ականապատել են Բանգլադեշի հետ սահմանը:
Օգոստոսի 25-ից Մյանմայի արևմտյան Ռախին նահանգում ռոհինգյա մուսուլմանների դեմ բանակի հալածողական ու ոտնձգողական հարձակումների նոր ալիքի հետևանքով, ավելի քան 6000 մուսուլմաններ զոհվել, իսկ 8000 մուսուլմաններ վիրավորվել են:
