ՄԱԿ-ի գլխավոր քարտուղարը հակադարձել է Մյանմայի ներկայացրած մեղադրանքին
ՄԱԿ-ի գլխավոր քարտուղարը սխալ է համարել այդ կազմակերպության համադրողի դեմ Մյանմայի կառավարության կողմից ներկայացված մեղադրանքը:
Մի հաղորդագրություն տարածելով, Անտոնիո Գուտերեշը հերքել է Մյանմայում այդ կառույցի հատուկ ներկայացուցիչ և համադրող Ռենատակ Դեսալինի դեմ այդ երկրի կառավարության ներկայացրած մեղադրանքը: Այդ մասին հաղորդել է ԻՌՆԱ գործակալությունը:
Գուտերեշը նշել է, որ Դեսալինի առաքելության նպատակը Մյանմայի մուսուլմանների մարդկային իրավունքների պաշտպանումն է եղել:
ՄԱԿ-ի մարդու իրավունքների խորհուրդը ևս վեց ամսով երկարաձգել է Մյանմայում այդ կազմակերպության մարդու իրավունքների փաստահավաք խմբի առաքելության ժամկետը:
Ավելի վաղ, Մյանմայի կառավարությունը «կողմնապահ» էր որակել այդ երկրում ՄԱԿ-ի համադրող պատասխանատուի պատրաստած զեկույցն, ընդդիմանալով մարդու իրավունքների փաստահավաք խմբի առաքելության ժամկետի երկարաձգմանը: